firansiyelik yazghuchi: men parizhdin tépilmaydighan maskini enqeredin aldim
firansiyelik zhurnalist, yazghuchi we sénariyeleshtürgüchi yén – kristop granj yéqinda firansiyening paytexti parizhda tépilmaydighan maskini enqeredin alghanliqini éytti.
türkiye awazi radiyosi xewiri: firansoz medeniyitini chet ellerde tonushturush paaliyetliri bilen shughullinidighan firansiye inistitutining ammiwi ortaqlishish tor bétining türkche sehipiside élan qilinghan widéoluq uchurda, granj bu heqte toxtalghanda mundaq dédi: «parizhda karantin bashlinish harpisida türkiyede idim, chünki parizhda maska qalmighanliqi üchün, enqerede hemme yerde maska izdewatattim. enqeredin mez izdigen maskini taptim, andin parizhgha kéle – kelmeyla chégra éghizliri taqaldi. enqerede turghan künlirimge dair yaxshi tesiratlirim bar. türkiyede türk oqurmenlirim méni nahayiti yaxshi kütüwaldi. shuni semimiylik bilen eskertip ötimenki, türkiyeni köz aldima keltürgen haman munglinip kétimen, pat yéqinda türkiyege qaytimen.»
u, mart éyida firansiye inistitutining pilani dairiside «enqere kitab yermenkisi» üchün paytext enqerege kelgenidi.