israiliye eskerliri bir pelestinlik balini shéhit qildi

israiliye eskerliri ishghal qiliwélinghan iyordan deryasining gherbiy qirghiqidiki elxelil shehiride bir pelestinlik balini shéhit qildi, 4 pelestinlikni yarilandurdi.

1416363
israiliye eskerliri bir pelestinlik balini shéhit qildi

türkiye awazi radiyosi xewiri: pelestin sehiye ministirliqining bu heqtiki yazma bayanatida, israiliye eskerlirining elxelil shehiridiki elfewwar musapirlar lagéridiki zeyid fzil qeysiyye isimlik ​​15 yashliq pelestinlik bir balini béshigha oq étip shéhit qilghanliqi bildürüldi.

bayanatta, lagérda yüz bergen weqe jeryanda yene 4 pelestinlik yashning oxshimighan yerlirige rast oq tégip yarilanghandin kéyin balinistqa élinghanliqi qeyt qilindi.

neq meydandiki ehwallarni körgüchilerning bildürüshiche, pelestinlik yashlar israiliye eskerlirining elfewwar musapirlar lagérigha basturup kirishige naraziliq bildürgen.

israiliye eskerlirining yash aqquzush gazi, rast we pilastik oqlarni ishletkenlikini, pelestinlik yashlarning tash étip qarshiliq bildürgenlikini éytqan mezkur menbeler, toqunushning nahayiti shiddetlik ötken toqunushning uda bir qanche saet dawamlashqanliqini éytti.

israiliye xewpsizlik küchliri ishghal astidiki iyordan deryasining gherbiy qirghiqi we sherqiy quddustiki öylerge daim basturup kirip, herxil eyibleshlerni ilgiri sürüp pelestinliklerni nazaret astigha élishni dawamlashturmaqta.


خەتكۈچ: #shéhit , #pelestin , #israiliye

مۇناسىۋەتلىك خەۋەرلەر