америкадики йәһудийларға қарши вәқәләр өткән йили рекорт йаратти

америкадики алдинқи қатардики йәһудий тәшкилатлириниң бири болған төһмәт вә инкарға қарши туруш җәмийити (ADL) ниң билдүрүшичә, өткән йили 2107 қетим йәһудийларға өчмәнлик қилиш вәқәси йүз бәргән.

1416376
америкадики йәһудийларға қарши вәқәләр өткән йили рекорт йаратти

түркийә авази радийоси хәвири: мәлум болушичә, бу вәқәләрниң 1127 и паракәндичилик селиш, 61 и җисмани җәһәттин һуҗум қилиш, 919 и бузғунчилиқ қилиш дәп хатириләнгән болуп, уларниң йеримидин көпрәки нйуйоркта йүз бәргән.

бу санниң төһмәт вә инкарға қарши туруш җәмийити йәһудийларға қарши садир қилинған вәқәләрни тизимға елишқа башлиған 1979- йилдин буйанқи әң йуқири сәвийәгә йәткәнлики қәйт қилинди.

2018- йили 1879 қетим йәһудийларға қарши туруш вәқәсиниң йүз бәргәнлики, бу санниң 2019- йили %12 ешип кәткәнлики тәкитләнди.

төһмәт вә инкарға қарши туруш җәмийити әмәлдарлири, йеқинқи бир нәччә һәптә ичидә америкада вухән вируси (ковид – 19) даирисидә оттуриға қойулуватқан суйиқәст нәзәрийәлириниң бу дөләттики йәһудийларға өчмәнлик қилишни күчәйтиветидиғанлиқини ейтип агаһландурди.



مۇناسىۋەتلىك خەۋەرلەر