b d t balilar parawanliq fondi zor miqdarda yardem telep qildi
birleshken döletler teshkilati balilar parawanliq fondi, wuxen wirusi (kowid – 19) gha qarshi küresh üchün 1 milyard 600 milyon dollar yardem qilishqa chaqirdi.
türkiye awazi radiyosi xewiri: b d t balilar parawanliq fondi, wuxen wirusining ejellik ijtimaiy – iqtisadiy aqiwetliri we balilarning küchiyiwatqan éhtiyajlirini qamdash üchün élan qilghan 651 milyon 600 ming dollarliq yardem telipige özgertish kirgüzgenlikini uqturdi.
beshinchi aygha kirgen yuqumning teminlesh we toshush bahasini östürüwetkenliki bildürülgen bayanatta, wuxen wirusigha qarshi turush üchün 1 milyard 600 milyon dollar yardem telep qilindi
b d t balilar parawanliq fondi ijraiye diréktori hénriétta for, «bir saghlamliq kirizisi bolghan bu yuqum téz sürette balilar hoquqi kirizisigha özgiriwatidu. mektepler taqilip qaldi, aililer ishsiz qilip qiyinchiliqqa duch keldi. kowid -19 kéyinki dunyaning qandaq bolidighanliqini oylash jeryanida, bu meblegh bizning kirizisqa qarshi turush, yaxshilinish we balilarni kirizisning tesiridin qoghdashqa yardem béridu» dédi.
balilar parawanliq fondining sanliq melumatigha asaslanghanda, dunyadiki balilarning % 77 i, yeni 1 milyard 800 milyon bala yuqum ehwalining cheklimisi astida yashawatqan bolup, balilargha zorluq – zombuluq we ziyankeshlik qilish mushu jeryanda köpiyip kétidiken.
