pompéyo wirusning wuxendiki tejribixanidin tarqalghanliqini bildürmekte

dunyada wuxen wirusi (Kovid-19) sewebidin jénidin ayrilghanlar 258 ming 500 din, yuqumlanghanlar sani 3 milyon 741 ming 400 din we salametliki yaxshilanghanlarning sani 1 milyon 247 ming 600 din ashti.

1411916
pompéyo wirusning wuxendiki tejribixanidin tarqalghanliqini bildürmekte

türkiye awazi radiyosi xewiri: wabaning merkizige aylanghan amérikada wuxen wirusi sewebidin jénidin ayrilghanlar 72 ming 200 din ashti.

amérika tashqi ishlar ministiri mayk pompéyo wuxen wirusining wuxen shehiridiki wiroloji tejribixanisidin tarqalghanliqini ilgiri sürdi.

amérika bash ishtab bashliqi mark milléy (Mark Milley) bolsa, delil-ispatlarning asasliqi wirusning qesten tarqitilmighanliqini körsitidighanliqini, wuxendiki tejribixanidin chiqip ketken yaki ketmigenlikini bilmeydighanliqlirini éytti.    

niyu yorkta wuxen wirusi sewebidin jénidin ayrilghanlargha, sanatoriyelerde yüz bergen, emma tizimgha élinmighanliqi bilingen 1 ming 700 ölüm qoshuldi.

pirézidént tramp wabagha qarshi yolgha qoyulghan tedbirlerni boshitish mezgilide ölüm-yétimlerning yüz bérish mumkinchilikini, biraq iqtisadni bir shekilde échish lazimliqini éytti.

italiyede wuxen wirusi sewebidin jénidin ayrilghanlar yéqinqi 24 saette 236 kishi éship 29 ming 315 ke chiqti. yuqumlanghanlar 1 ming 513 kishi aziyip 98 ming 467 ge töwenlidi.

firansiyede wuxen wirusi sewebidin jénidin ayrilghanlar yéqinqi 24 saette 330 kishi éship 25 ming 531 ge, yuqumlanghanlar sani 406 kishi éship 204 ming 659 gha chiqti.

firansiye wuxen wirusigha qarshi turush tedbirlirini 2020-yili 11-maydin bashlap qedemmu qedem emeldin qaldurushni qarar qilghan idi.

engliyede wuxen wirusi sewebidin jénidin ayrilghanlar sani yéqinqi 24 saette 693 kishi éship 29 ming 427 ge chiqti. engliye bu san bilen italiyeni arqida qaldurup, yawropada birinchi orungha, dunyada amérikadin qalsila ikkinchi orungha ötti. bu dölette yéqinqi 24 saette 4 ming 406 yéngi yuqumlanghanlar bayqaldi.

gérmaniyede wuxen wirusi sewebidin jénidin ayrilghanlar yéqinqi 24 saette 165 kishi éship 6 ming 996 ge yetti. fédératsiye hökümiti bilen ishtatlar barliq magézinlarni échishqa we sirtlarda beden chéniqturushqa belgilik shert astid ruxset qilish mesiliside kélishti.

gérmaniyening her qaysi ishtatliri jamaet turmush sorunlirining qedemmu qedem échilishini qarar qilidu. ishtatlarning uniwérstét, réstoran, qehwexana, méhmansaray, soda yermenkiliri, hösin tüzesh orunliri, tiyatirlar, chéniqish salonliri, kinoxanilar we déskoxanilarning qedemmu qedem échishta öz aldigha qarar qilidighanliqi qeyt qilindi.

kanadada tünügün (2020-yili 5-may) 3 ming 981 bolghan wuxen wirusigha munasiwetlik ölüm sanigha, yéqinqi 24 saette 185 kishi qoshuldi we jeiy san 4 ming 166 ge chiqti. yuqumlanghanlar sani 24 saette 1 ming 274 kishi éship 62 ming 46 ge chiqti.

jenubiy amérika qitesige jaylashqan biraziliyede, wuxen wirusi sewebidin jénidin ayrilghanlar sani yéqinqi 24 saette 633 kishi éship 7 ming 921 ge chiqti. yuqumlanghanlar sani 9 ming 493 kishi éship 114 ming 715 ke chiqti.

yéngi zélandiyening kristchéch (Christchurch) shehiride 60 yashlardiki bir ayal wuxen wirusi sewebidin jénidin ayrildi. buning bilen, bu dölette wirus sewebidin jénidin ayrilghanlarning jemiy sani 21 ge chiqti.

bezi döletlerdiki wuxen wirusigha munasiwetlik ölüm sanliri töwendikiche:

ispaniyede 25 ming 613, bélgiyede 8 ming 16, gollandiyede 5 ming 168, shiwétsiyede 2 ming 854, méksikada 2 ming 507, shiwéytsariyede 1 ming 795, ékwadorda 1 ming 569, péruda 1 ming 444, irélandiyede 1 ming 339, portugaliyede 1 ming 74, ruméniyede 854, polshada 723, awstiriyede 606, chilida 275.



مۇناسىۋەتلىك خەۋەرلەر