ruhani: amérika besre qoltuqining iranliqlargha tewe ikenlikini bilishi kérek

türkiye awazi radiyosi xewiri: pirézidént hesen ruhani paytext téhranda chaqirilghan ichki kabinét yighinidiki sözi jeryanida, besre qoltuqida iran bilen amérika armiyesi otturisida yüz bergen toqunushtin kéyin ulghiyip ketken ikki dölet soghuqchiliqi heqqide toxtilip, «pars qoltuqi iran millitige tewe bolup, uning ismi menggü pars qoltuqi bolup qalidu. amérikaliqlar, uning ismining nyu- york qoltuqi yaki washington qoltuqi emeslikini bilishi kérek» dédi.

ruhani, «amérikaliqlar iran dölitining pars qoltuqini qoghdashta muweppeqiyet qazanghanliqini we muweppeqiyet qazinidighanliqini körüwatidu. qoralliq qisimlirimiz herdaim pars qoltuqining qoghdighuchisi bolup keldi we buningdin kéyinmu shundaq bolidu» dédi.

u, dölitide 6 minggha yéqin ademning jénigha zamin bolghandin kéyin yéqinqi heptilerdin buyan töwenleshke yüzlengen wuxen wirusi (kowid – 19) heqqide toxtilip, wirusning qachan yoqilidighanliqini iblmeydighanliqigha isharet qilip ötti.

yuqum dairiside yolgha qoyulghan cheklimilerning pütünley emeldin qaldurulidighanliqini bildürgen ruhani, «biz choqum özimizni xizmet, ilim – pen we uchur üchün teyyarlishimiz we jemiyetke ümid baghlishimiz kérek, chünki dunyadiki héchkim bu yuqumning qachan axirlishidighanliqini perez qilalmaydu» dégenlerni qeyt qildi.