jenubiy koréye kim jongunning ölmigenlikini élan qildi

jenubiy koréye hökümiti ölüp ketkenliki heqqide gep-sözler tarqiliwatqan shimaliy koréye rehbiri kim jongunning «hayat we salametlikining yaxshi» ikenlikini élan qildi.

1405920
jenubiy koréye kim jongunning ölmigenlikini élan qildi

türkiye awazi radiyosi xewiri: jenubiy koréye pirézidénti mun jyainning yuqiri derijilik tashqi siyaset meslihetchisi mun chungin s n n (CNN) ning ziyaritini qobul qildi.

u shimaliy koréye rehbiri kim jongun toghrisida tarqiliwatqan ölgen bolush éhtimalliqi heqqidiki gep-sözlerge qarita: «hökümitimizning meydani muqim. kim jongun hayat we salametliki yaxshi. 13-apréldin buyan wosan rayonida turuwatidu. hazirghiche héchqandaq gumanliq heriket bayqalmidi» dédi.

yéqinqi heptilerde shimaliy koréye rehbiri kim jongunning salametlikining yaxshi emesliki we ölgenliki toghrisida gep-sözler tarqalghan idi.

kim jongunning salametliki sewebidin bir guruppa xitay doxturlirining shimaliy koréyege yétip barghanliqi؛ 12-aprél kim jongunning opératsiye qilinghanliqi we salametlikining yaxshi ikenliki toghrisida xewerler tarqalghan idi.

xongkong suniy hemrah téléwiziyesi kim jongunning ölgenlikini xewer qildi, biraq bu héchqandaq mesul kishiler teripidin delillenmigen idi.

kim jongunning 15-aprélda shimaliy koréyening qurghuchi rehbiri we chong dadisi kim irsinning tughulghan künini tebriklep ötküzülgen bir qatar paaliyetlerge qatnashmasliqi, salametliki toghrisida söz-chöcheklerning tarqilishigha seweb bolghan idi.

amérika jenubiy karolina ishtati kéngesh palata ezasi jumhuriyetchi lindzi graham (Lindsey Graham) kim jongun heqqide: «u yer üsti yépiq jemiyet. biwaste bir nerse anglimidim, emma ölmigen yaki ish qilalmaydighan halgha kelmigen bolsa heyran qalimen. chünki dölet bolushtin bekirek teriqet bolghan shimaliy koréyege oxshash üsti yépiq bir dölet, bu xil gheywetlerning tarqilip yürüshige we buninggha munasiwetlik soallarning jawabsiz qélishigha hergiz ruxset qilmaydu» dégen idi.


خەتكۈچ: #koréye , #graham , #kim jongun

مۇناسىۋەتلىك خەۋەرلەر