bash wezir boris jonson xizmitige qaytti

engliye bash weziri boris jonson dawalinip saqayghandin kéyin, xizmitige qaytti.

1405986
bash wezir boris jonson xizmitige qaytti

türkiye awazi radiyosi xewiri: bash wzir boris jonson tünügün (2020-yili 26-aprél) bash wezirlik mehkimisidiki ishxanisigha we 10-nomurluq turalghusigha qaytip keldi. u bügün (2020-yili 27-aprél) ministirlar kéngishining téléwiziye yighinigha bashchiliq qilidu.

boris jonsonning kündilik axbarat élan qilish yighinighimu qatnishidighanliqi perez qilinmaqta.

«télégraf géziti» ning xewiride bildürülishiche, boris jonsonning bu hepte cheklimilerni yenggillitishke munasiwetlik pilanlarni élan qilishimu kütülmekte iken.

mezkur gézitning ziyaritini qobul qilghan, emma nam-sheripini ashkarilimighan boris jonsonning bir yardemchisi, bash wezirning cheklime tedbirlerni yenggillitishi mumkinlikini éytqan.

2020-yili 7-may künining, hökümetning karantin tedbirlirini qanuniy jehettin közdin kechürüshi kérek bolghan kün ikenlikini eskertken bu yardemchi: «bash wezir cheklimilerni buningdin burun özgertishni xalisa yaki peqet bolmighanda, buningdin burun bir ishlarni uqturushni xalisa, qilsa bolidu. ‹karantinni axirlashturush› dégen gep xata. ‹karantinni tertipke sélish› déyish toghra» dédi.

engliyede 2020-yili 23-mart karantin tedbirliri yolgha qoyulghan bolup, magézin we dorixanilardin bashqa barliq yerler taqalghan idi. bezi karantin tedbirliri 16-apréldin bashlap üch hepte uzartilghan idi.

27-mart bash wezir boris jonsonning wuxen wirusi bilen yuqumlanghanliqi bayqalghan idi. 5-aprél kechte aridin 10 kün ötken bolsimu, salametliki yaxshilanmighachqa doxturxanida yatquzulghan, etisi jiddiy qutquzushqa élinghan idi. 9-aprél jiddiy qutquzushtin chiqqan, 12-aprél bolsa doxturxanidin chiqqan idi.

bash wezir boris jonsonning doxturxanidin chiqqandin kéyin, bir mezgil dem alidighanliqi uqturulghan idi.   



مۇناسىۋەتلىك خەۋەرلەر