abbas: pelestinlik mehbuslar qoyup bérilmigiche her qandaq kélishimge imza qoyulmaydu
pelestin dölet bashliqi mehmut abbas türmilerdiki pelestinlik mehbuslar we esirler qoyup bérilmigiche, isirailiye hökümiti bilen her qandaq kélishimge imza qoymaydighanliqlirini bildürdi.
türkiye awazi radiyosi xewiri: pelestin dölet bashliqi mehmut abbas pelestinlik esirler küni munasiwiti bilen élan qilghan yazma bayanatida, isirailiyedin türmilerdiki pelestinliklerni qoyup bérishni telep qildi.
u bayanatida, mehbuslarni «erkinlik jengiliri qehrimanliri» dep atap, mundaq dédi:
«isirailiye türmiliri boshitilmighiche axirqi tinchliq kélishimige qetiy imza qoymaydighanliqimizdin ibaret wedimizni tekrarlaymiz. qehriman esirlirimizdin we aililirimizdin waz kechmeydighanliqimiz üchün qilinghan her türlük bésimgha boyun egmeymiz. ularning shereplik hayat yashishi üchün, zörür bolghan barliq yardemlerni qilishni dawamlashturimiz.»
u wuxen wirusi(Kovid-19) sewebidin türmilerdiki, bolupmu késeller, ayallar we balilarning hayatigha isirailiyening mesul ikenlikini tekitlep, xelqaraliq jemiyetlerge we kishilik hoquq teshkilatlirigha, isirailiyege bésim qilip, esirlerni qutquzushqa chaqiriq qildi.
pelestin dölet parlaménti 1974-yili 17-aprél chiqirilghan qarar boyiche, israiliye türmiliridiki pelestinlikler üchün «wapa küni» bolushi ümidide, her yili 17-aprélni «pelestinlik esirler küni» dep élan qilghan idi.
pelestinning resmiy menbelirige asaslanghanda, isirailiye türmiliride 500 ge yéqin memuriy mehbus, 230 bala bolup jemiy 5 mingdin artuq pelestinlik bar iken.
