engiliye bash ministiri boris jonson saqiyip chiqti
yéngi tiptiki tajisiman wirus sewebidin dawaliniwatqan engiliye bash ministiri boris jonson eslige kélip, doxturxanidin chiqti.
türkiye awazi radiyosi xewiri: boris jonson doxturxanidin chiqipla döletlik sehiye mulazimet merkizi (NHS) xadimlirigha rexmet éytti we:«hayatim ulargha qerzdar» dédi.
tajisiman wirusi bilen yuqumlanghandin kéyin, bir qanche kün ilgiri bash ministirliq turalghusida özini karantinagha alghan boris jonson, ehwali nacharlashqandin kéyin 4 - ayning 6 - küni jiddiy qutquzush bölimige orunlashturulghan idi.
jonson jiddiy qutquzush bölimide 3 kéchini ötküzgendin kéyin, tomas doxturxanisidin saqiyip chiqti. engiliye metbuatlirigha bergen bayanatida, döletlik sehiye mulazimet orgini (NHS) xadimlirigha rehmet éytti we:«hayatim ulargha qerzdar» dédi.
bash ministirliq ishxanisidin élan qilinghan bayanatta, jonsonning ehwalining yaxshiliniwatqanliqi we yaxshilinishqa qarap dawamliq ilgirilewatqanliqi qeyt qilindi.