италийәдә өлүм санида төвәнләш көрүлди

дунйада вухән вируси(Kovid-19) сәвәбидин җенидин айрилғанлар 87 миңдин, йуқумланғанлар 1 милйон 521 миңдин вә саламәтлики йахшиланғанларниң сани 330 миңдин ашти.

1394415
италийәдә өлүм санида төвәнләш көрүлди

түркийә авази радийоси хәвири: бир қанчә күндин буйан өлүм санида төвәнләш көрүлгән италийәдә, йеқинқи 24 саәттә җенидин айрилғанлар 542 киши ешип 17 миң 669 ға йәтти. йуқумланғанлар 139 миң 422 гә чиқти. италийә таратқулиридики хәвәрләрдә, һөкүмәтниң 2020-йили 13-апрелдин кейин фабрикилар билән бәзи дуканларниң қәдәмму қәдәм ечилишини музакирә қилғанлиқи билдүрүлди. портлар вирусқа мунасивәтлик җиддий әһвал ахирлашқичә тақилиду.

фирансийәдә вухән вируси сәвәбидин җенидин айрилғанлар йеқинқи 24 саәттә 541 киши ешип 10 миң 869 ға йәтти. йуқумланғанлар 3 миң 881 киши ешип 112 миң 950 кә йәтти. вирус сәвәбидин ишсиз қалғанларниң сани 6.3 милйонға чиқти.

әнглийәдә вухән вируси сәвәбидин җенидин айрилғанлар йеқинқи 24 саәттә 938 киши ешип 7 миң 97 гә чиқти. бу бир күндә йүз бәргән өлүм вәқәси болуп қалди. йуқумланғанлар 5 миң 492 киши ешип 60 миң 733 кә йәтти.

голландийәдә 24 саәттә вухән вируси сәвәбидин җенидин айрилғанлар 148 киши ешип 2 миң 396 гә йәтти. йуқумланғанлар 24 саәттә 1213 киши ешип 21 миң 762 гә йәтти.

белгийәдә җенидин айрилғанлар 2 миң 523 кә, йуқумланғанлар 24 саәттә 1 миң 580 киши ешип 24 миң 983 кә йәтти.

шиветсийәдә вухән вируси сәвәбидин җенидин айрилғанлар 793 кә, йуқумланғанлар 9 миң 141 гә йәтти. бир дохтурханиниң дохтурларға вухән вируси билән йуқумланған 80 йаштин чоң бемарларни җиддий қутқузушқа алмаслиқ тоғрисида йолйоруқ чүшүргәнлики ашкариланди.  

австиралийәдә җенидин айрилғанлар 51 гә, йуқумланғанлар 6 миң 52 гә чиқти.

вухән вируси сәвәбидин 65киши җенидин айрилған, 2 миң 666 киши йуқумланған сербийәдә, пирезидент александар вуҗиҗ (Aleksandar Vucic) оғлиниң йуқумланғанлиқи билдүрүлди.

америкада түркләр зич топлишип олтурақлашқан патерсон (Paterson) шәһәр башлиқида вухән вируси байқалди.

канадада вухән вируси сәвәбидин йеқинқи үч күндә 169 киши җенидин айрилди. буниң билән, канадада җәмий җенидин айрилғанлар 476 гә, йуқумланғанлар 19 миң 291 гә чиққан болди.

биразилийәдә 800 киши вухән вируси сәвәбидин җенидин айрилди, 15 миң 927 киши йуқумланди.

латин америка дөләтлири қитәдә 1757 кишиниң җениға замин болған вә 44 миң 370 киши йуқумланған вухән вируси сәвбидин қийин бир басқучни бешидин өткүзмәктә.

вухән вирусиға мунасивәтлик тунҗи вәқә 2020-йили 3-мартта көрүлгән вә тунҗи өлүм 8-мартта йүз бәргән аргентинада, һазирғичә вирус сәвәбидин 65 киши җенидин айрилди, 1795 киши йуқумланди.

48 киши җенидин айрилған чилида йуқумланғанлар 5 миң 546 гә йәтти вә бу сан биризилийәдин қалсила йуқири орунда турмақта.

мексикада 174 киши җенидин айрилди, 3 миң 181 киши йуқумланди.

еквадорда 242 киши җенидин айрилди, 4 миң 450 киши йуқумланди.

вухән вируси перуда 121 кишиниң җениға замин болди, 4 миң 342 киши йуқумланди.

коломбийәдә 54 киши җенидин айрилди, 2 миң 54 киши йуқумланди.

парагвайда бәш киши җенидин айрилди, 119 киши йуқумланди.

вухән вируси сәвәбидин 15 киши җенидин айрилған, 210 киши йуқумланған боливийәдә, 2020-йили 16-март елан қилинған карантин тәдбирлири вә сәһийә саһәсидики җиддий әһвал 2020-йили 15-апрелғичә узартилди.

венезуелада тоққуз киши җенидин айрилди, 167 киши йуқумланди.

панамада 63 киши җенидин айрилди, 2 миң 528 киши йуқумланди.

костарикада икки киши җенидин айрилди, 502 киши йуқумланди.

никарагуада бир киши җенидин айрилди, алтә киши йуқумланди.

һондураста 22 киши җенидин айрилди, 312 киши йуқумланди.

салвадорда бәш киши җенидин айрилди, 93 киши йуқумланди.

гиватемалада үч киши җенидин айрилди, 87 киши йуқумланди.

кубада 12 киши җенидин айрилди, 457 киши йуқумланди. доминика җумһурийтидә 108 киши җенидин айрилди,2 миң 111 киши йуқумланди.

һайтида бир киши җенидин айрилди, 27 киши йуқумланди.



مۇناسىۋەتلىك خەۋەرلەر