афғанистанда талибан әзалири қойуп берилишкә башлиди

америка билән талибан оттурисида түзүлгән келишим рамкисида, афғанистандики түрмиләрдә йетиватқан 100 талибан әзаси қойуп берилди.

1394499
афғанистанда талибан әзалири қойуп берилишкә башлиди

түркийә авази радийоси хәвири: афғанистан дөләт хәвпсизлик шурасиниң байанатчиси җавид файсал америка билән талибан оттурисида түзүлгән келишим нәтиҗисидә, 100 талибан мәһбусиниң қойуп берилгәнликини билдүрди.

у мәзкур талибан мәһбуслириниң, талибан тәрипидин өзлиригә сунған әсир алмаштуруш тизимликидә исимлириниң барлиқини әскәртип, мәһбуслардин қайта уруш қилмайдиғанлиқи тоғрисида вәдә елинғандин кейин қойуп берилгәнликини қәйт қилди.

у афғанистан һөкүмитиниң тинчлиқ мусаписиниң илгирилиши үчүн талибанға музакирә йолини очуқ тутқанлиқини билдүрди.

қойуп берилгәнләр арисида талибан тәрипидин тәләп қилинған 15 кишилик йуқири дәриҗилик мәһбусниң бар-йоқлуқи ениқ әмәс.

талибан байанатчиси забиһуллаһ муҗаһит қойуп берилгәнләрниң әсир алмаштурушниң бир парчиси икәнликини илгири сүрди.

забиһуллаһ муҗаһит қойуп берилгәнләрниң, өзлириниң афғанистан һөкүмитигә сунған 5 миң кишилик тизимликтә исимлириниң йоқлуқини тәкитлиди.

у америка билән түзүлгән келишим рамкисида өзара әсир алмаштурушниң әмәлгә ешишини үмид қилидиғанлиқлирини, шуңа кабулдики талибан һәйитиниң қайтқанлиқини әскәртти.



مۇناسىۋەتلىك خەۋەرلەر