amérikaning jasusluq ayropilani koriye yérim arilida charlash élip bardi

amérika qoshma ishtatliri hawa armiyesige ait jasusluq ayropilanining koriye yérim arilida charlash élip barghanliqi bildürüldi.

1393026
amérikaning jasusluq ayropilani koriye yérim arilida charlash élip bardi

türkiye awazi radiyosi xewiri: jenubiy koriye xewer agéntliqi (yonxap) ning xewer qilishiche, ayropilan közitish tor békiti « Aircraft Spots» , « RC-135W Rivet Joint» tipliq éléktronluq uchur bilen teminlesh ayropilanining, döletning sherqiy shimalidiki gangwon, séul we inchon sheherlirini öz ichige alghan gyonggi rayonida charlash élip barghanliqining éniqlap chiqilghanliqini bildürgen.

mezkur tor béti, ötken shenbe küni oxshash tiptiki bir ayropilanning koriye yérim arilida charlash élip barghanliqini uqturghanidi.

amérika shimaliy koriye bilen yadro söhbiti toxtitilghandin kéyin, piyongyong hökümitining yéngi qoral siniqi élip bérish qatarliq ighwagerchilik heriketliridin endishe qilghanliqi üchün, aldinqi yilning axirqi aylirida bu rayondiki hawadin közitish we herbiy axbarat paaliyetlirini qoyuqlashturghanidi.



مۇناسىۋەتلىك خەۋەرلەر