iran xitayning wirus heqqide dunyani toghra san we uchur bilen teminlimigenlikini otturigha qoydi

irandiki kowid -19 yuqumigha qarshi küresh komitétining ezasi minu mahrez xitayning wuxen wirusi (yéngi tiptiki tajisiman wirus kowid -19) gha alaqidar organlirining dunyani toghra san we uchur bilen teminlimigenlikini otturigha qoydi.

1392454
iran xitayning wirus heqqide dunyani toghra san we uchur bilen teminlimigenlikini otturigha qoydi

türkiye awazi radiyosi xewiri: minu mahrez  iran ishchilar xewer agéntliqi (ILNA) gha bergen bayanatida, sehiye ministirliqi bayanatchisi kiyanush jihanpurning «xitay dunyagha azabliq bir chaqchaq qildi» dep eyipligenlikini qollidi.

minu mahrez: «xitaylar nurghun maqalilarni tordin éliwetti. ularning bergen sanliq melumatliri we uchurlirimu toghra emes idi. kowid -19 ning ölüm  keltürüp chiqirish we yuqumlinish nisbiti, bu késelning xitay hökümiti éytqandin bashqiche késellik ikenlikini ashkara qilidi» dédi.

minu mahrez kowid -19 ning xitaydiki chiqish merkizining peqetla wuxen ikenlikige dair uchurlarningmu sürüshte qilinishi kéreklikini tilgha élip, « biz bu késellikning xitayda axirlashqan yaki axirlashmighanliqini bilmeymiz. késellikning tarqilishi xitay bergen melumatlardin téximu qorqunchluq ehwalda» dédi.

iran sehiye ministirliqi bayanatchisi kiyanush jihanpur tünügünki bayanatida,  xitay hökümitining yéngi tiptiki tajisiman wirus (kowid -19) toghrisidiki bayanatlirini tenqid qilip, «xitay kowid -19 sewebidin ölgenler we yuqumlanghanlar heqqide élan qilghan sanliq melumatliri we istatistékaliri arqiliq dunyagha azabliq bir chaqchaq qildi. bu késelge giriptar bolghan döletler xitayning chüshendürüshlirini nezerde tutup, bu késelni zukamdinmu yénik dep oylap qaldi» dégen idi.


خەتكۈچ: #wirus , #xitay , #iran

مۇناسىۋەتلىك خەۋەرلەر