иран хитайниң вирус һәққидә дунйани тоғра сан вә учур билән тәминлимигәнликини оттуриға қойди

ирандики ковид -19 йуқумиға қарши күрәш комитетиниң әзаси мину маһрәз хитайниң вухән вируси (йеңи типтики таҗисиман вирус ковид -19) ға алақидар органлириниң дунйани тоғра сан вә учур билән тәминлимигәнликини оттуриға қойди.

1392454
иран хитайниң вирус һәққидә дунйани тоғра сан вә учур билән тәминлимигәнликини оттуриға қойди

түркийә авази радийоси хәвири: мину маһрәз  иран ишчилар хәвәр агентлиқи (ILNA) ға бәргән байанатида, сәһийә министирлиқи байанатчиси кийануш җиһанпурниң «хитай дунйаға азаблиқ бир чақчақ қилди» дәп әйиплигәнликини қоллиди.

мину маһрәз: «хитайлар нурғун мақалиларни тордин еливәтти. уларниң бәргән санлиқ мәлуматлири вә учурлириму тоғра әмәс иди. ковид -19 ниң өлүм  кәлтүрүп чиқириш вә йуқумлиниш нисбити, бу кесәлниң хитай һөкүмити ейтқандин башқичә кесәллик икәнликини ашкара қилиди» деди.

мину маһрәз ковид -19 ниң хитайдики чиқиш мәркизиниң пәқәтла вухән икәнликигә даир учурларниңму сүрүштә қилиниши керәкликини тилға елип, « биз бу кесәлликниң хитайда ахирлашқан йаки ахирлашмиғанлиқини билмәймиз. кесәлликниң тарқилиши хитай бәргән мәлуматлардин техиму қорқунчлуқ әһвалда» деди.

иран сәһийә министирлиқи байанатчиси кийануш җиһанпур түнүгүнки байанатида,  хитай һөкүмитиниң йеңи типтики таҗисиман вирус (ковид -19) тоғрисидики байанатлирини тәнқид қилип, «хитай ковид -19 сәвәбидин өлгәнләр вә йуқумланғанлар һәққидә елан қилған санлиқ мәлуматлири вә истатистекалири арқилиқ дунйаға азаблиқ бир чақчақ қилди. бу кесәлгә гириптар болған дөләтләр хитайниң чүшәндүрүшлирини нәзәрдә тутуп, бу кесәлни зукамдинму йеник дәп ойлап қалди» дегән иди.



مۇناسىۋەتلىك خەۋەرلەر