sherq döletliridiki wirusqa munasiwetlik yéngi melumatlar

dunyada wuxen wirusi (Kovid-19) sewebidin jénidin ayrilghanlar 70 mingdin, yuqumlanghanlar 1 milyon 285 mingdin ashti.

1391971
sherq döletliridiki wirusqa munasiwetlik yéngi melumatlar

türkiye awazi radiyosi xewiri: liwiyening sabiq bash ministiri mehmut jibiril wuxen wirusi sewebidin jénidin ayrildi. misir taratquliridiki xewerlerde körsitilishiche, mehmut jibril 2020-yili 27-martta qahirediki tekshürüshte wirus bilen yuqumlanghanliqi békitilgendin kéyin derhal balnéstqa élinghan. tünügün (2020-yili 5-aprél) jibrilning ehwali éghirlashqan bolup, qutquzush ünüm bermigen.

rusiyede yéqinqi 24 saette ikki kishi jénidin ayrildi we bu san 47 ge chiqti. yuqumlanghanlar sanida 954 kishi éship 6 ming 343 ke yetti. üch chérkawning popining yuqumlanghanliqi bildürüldi. bu sewebtin, murasimlargha qatnashqanlarning hemmisining karantin qilinidighanliqi eskertildi.

iranda yéqinqi 24 saette wuxen wirusi sewebidin jénidin ayrilghanlar 136 kishi éship 3 ming 739 gha yetti.

seudi erebistanda wuxen wirusi bilen yuqumlanghanlar 2 ming 402 ge, ereb birleshme xelipilikide 1 ming 789 gha, iyordaniyede 345 ke, pelestinde 234 ke, marakeshte 1 ming 21 ge yetti.

yaponiyede jénidin ayrilghanlar 104 ke, yuqumlanghanlar 4 ming 570 ke yetti.

siri lankada wuxen wirusi sewebidin mart éyida alte sheherde élan qilinghan sirtqa chiqishni cheklesh qanuni yene ikki hepte uzartildi.

gherbiy afriqagha jaylashqan libériyede wuxen wirusigha munasiwetlik tunji ölüm otturigha chiqti. hazirghiche 13 kishining yuqumlanghanliqi bildürüldi.

afriqa qiteside yéqinqi 24 saette 54 kishi wuxen wirusi sewebidin jénidin ayrildi. buning bilen, afriqa qiteside 444 kishi jénidin ayrilghan boldi. afriqadiki 51 döletke tarqalghan wuxen wirusida yuqumlanghanlar 8 ming 536 din 9 ming 198 ge yetti.

813 kishining salametliki yaxshilandi. afriqada hazirghiche 43 dölet chégralirini pütünley taqidi.yette dölet xelqara awiyatsiye qatnishini toxtatti.

pakistanda 50 kishi jénidin ayrildi. türmilerde yétiwatqan 49 mehbusning yuqumlanghanliqi élan qilindi.

hindonéziyede 209 kishi jénidin ayrildi. yuqumlanghanlar 24 saette 218 kishi éship 2 ming 491 ge yetti.


خەتكۈچ: #pop , #wuxen wirusi

مۇناسىۋەتلىك خەۋەرلەر