gherb dunyasidiki wirusqa munasiwetlik melumatlar

dunyada wuxen wirusi (Kovid-19) sewebidin jénidin ayrilghanlar 70 mingdin, yuqumlanghanlar 1 milyon 285 mingdin ashti.

1391915
gherb dunyasidiki wirusqa munasiwetlik melumatlar

türkiye awazi radiyosi xewiri: italiyede yéqinqi 24 saette wuxen wirusi sewebidin jénidin ayrilghanlar 525 kishi éship 15 ming 887 ge yetti. bu reqem «2020-yili 19-marttin buyan élan qilinghan eng töwen kündilik ölüm sani» boldi. yuqumlanghanlar 91 ming 246 ge chiqti.

wuxen wirusi sewebidin jénidin ayrilghanlar sani jehette tötinchi orunda turidighan firansiyede, ölüm sani 8 ming 78 ge chiqti.

firansiye sehiye ministirliqining melumatlirida körsitilishiche, wuxen wirusi bayqalghan kishi sani 24 saette 1873 kishi éship 70 ming 478 ge yetken. sanatoriyelerde 22 ming 361 kishining yuqumlinishi bilen, bu san jemiy 92 ming 389 gha yetken.

gollandiyede wuxen wirusi sewebidin jénidin ayrilghanlar yéqinqi 24 saette 101 kishi éship 1867 ge, yuqumlanghanlar 952 kishi éship 18 ming 803 ge yetti.

gérmaniyede wuxen wirusi sewebidin jénidin ayrilghanlar 1500 din ashti. yuqumlanghanlar sani yéqinqi 24 saette 6 ming 603 kishi éship 100 ming 132 ge chiqti. dölet miqyasida doxturxanilardiki karwat sanini ikki hesse köpeytish qarar qilindi.

wuxen wirusi sewebidin jénidin ayrilghanlar 4 ming 934 ke, yuqumlanghanlar 47 ming 806 ge yetken engliyede, yuqumlanghan bash wezir boris jonson tedbir meqsitide doxturxanida balnéstqa élindi. boris jonsonning qizitmisi we hötilining dawamlishiwatqanliqi qeyt qilindi.

ayal padishah ikkinchi élizabét qetiy iradige ige bolghan teqdirde wuxen wirusigha qarshi küreshte ghelibe qilghili bolidighanliqini bildürdi. u 70 yilliq seltenitide beshinchi qétim xelqqe xitab qildi.

u mundaq dédi:

«ghelibe qilimiz we bu ghelibe her birimizning bolidu. téximu köp qiyinchiliqqa berdashliq bérishke mejbur qélish éhtimalimiz bolsimu, yaxshi künlerning qaytip kélidighanliqini bilgen halda xatirjem bolushimiz kérek. qayta dostlirimiz bilen, aililirimiz bilen birge bolimiz, yene qayta körüshimiz.»

ruméniyede jénidin ayrilghanlar 148 ge, yuqumlanghanlar 3 ming 864 ke yetti.

70 kishi jénidin ayrilghan girétsiyede yuqumlanghanlar 1 ming 673 ke yetti.

sérbiyede jénidin ayrilghanlar sani 51 ge, yuqumlanghanlar yéqinqi 24 saette 284 kishi éship 1 ming 908 ge chiqti.

silowéniyede jénidin ayrilghanlar 24 saet ichide alte kishi éship 28 ge chiqti. yuqumlanghanlar 997 ge chiqti. 156 sehiye xadimida wuxen wirusi bayqaldi, 79 kishining salametliki yaxshilandi.

15 kishi jénidin ayrilghan kirodiyede 182 kishide wuxen wirusi bayqaldi. bularning ichide töt ayliq bir bowaqmu bar.

21 kishi jénidin ayrilghan bosniye-grétségowinada yuqumlanghanlar 651 ge chiqti.

bulghariyede 18 kishi jénidin ayrildi, 522 kishi yuqumlandi.

qarataghda ikki kishi jénidin ayrildi, 203 kishi yuqumlandi.

shimaliy makédoniyede jénidin ayrilghanlar 18 ge chiqti, yuqumlanghanlar 555 ke chiqti. 23 kishining salametliki yaxshilandi.

wuxen wirusi sewebidin 20 kishi jénidin ayrilghan albaniyede, yuqumlanghanlar 361 ge chiqti, 104 kishi yaxshilandi.

kosowuda bir kishi jénidin ayrildi, 140 kishide wirus bayqaldi.

awstiraliyede 24 saette  wuxen wirusi sewebidin jénidin ayrilghanlar töt kishi éship, bu san 39 gha, yuqumlanghanlar 5 ming 750 ke chiqti.



مۇناسىۋەتلىك خەۋەرلەر