amérikada wirus sewebidin ölgenlerning sani 6 mingdin éship ketti

türkiye awazi radiyosi xewiri:  amérikada, «wuxen wirusi» ning eng az zerbisige uchrighan rayonlardiki 21 ming sehiye xadimi, «wuxen wirusi» ning eng éghir zerbisige uchrighan niyu yorkta xalisane wezipe öteshni xalaydighanliqini bildürdi.

nyu york sheher bashliqi bil dé bilasyo nyu yorkluqlarni yéngi tiptiki tajisiman wirus (Kovid-19) tedbirliri dairiside, sirtqa chiqqanda yüzlirini yépishqa chaqirdi. , prézidént donald tramp, «wuxen wirusi» gha qarshi küresh tedbirliri dairiside, sehiye we insaniy mulazimet ministirliqi bilen ichki bixeterlik ministirliqigha, 6 shirketning nepeslinish üskünisi ishlepchiqirishlirining aldidiki tosaqlarni tügitishke kapaletlik qilishni buyrudi. tirampning ikkinchi qétimliq tekshürtishidimu wirun bilen yuqumlanmighanliqi bayqaldi.

tramp, aqsarayda ötküzgen kündilik muxbirlarni kütüwélish yighinida, «wuxen wirusi» gha qarshi küresh tedbirliri dairiside maska taqash - taqimasliqqa alaqidar talash – tartishlar heqqide toxtilip mundaq dédi: «biz maska taqash heqqide qarar chiqirimiz, xalighan kishiler maska taqisa bolidu, emma köp hallarda yüzni sharpa bilen yépish yaxshidur.»

italiyede «wuxen wirusi» sewebidin ölgenlerning sani yéqinqi 24 saet ichide wapat bolghan 760 kishi bilen qoshulup 13 ming 915 ke yetti.

yawropa ittipaqi komitétining bashlili ursula won dér léyén, yawropaning nöwette italiyening yénida ikenlikini, emma, bu ehwalning hemishe bundaq bolmighanliqini eskertip rim hökümitidin kechürüm soridi. u, italiyede chiqidighan «‹ La Repubblica› géziti» ning ziyaritini qobul qilghanda bergen bayanatida, italiyening yawropa ittipaqi elliri ichidiki «wuxen wirusi» ning eng éghir zerbisige uchrighan dölet ikenlikini tekitlep mundaq dédi: «shunga ortaq heriket qilishqa toghra kélidu, eslide bu kirizis bashtila chüshinip yétilishi kérek idi, lékin, hemme özi duch kéliwatqan mesililer bilen meshghul idi.»

dunya miqyasida «wuxen wirusi» sewebidin ölgenlerning sani 53 ming 245 ke, yuqumlanghanlar sani bir milyon 16 ming 793 ke yetti.

ispaniyede «wuxen wirusi» sewebidin ölgenlerning sani 10 ming 348 ge, yuqumlanghanlar sani 112 ming 65 ke yetti.

firansiyede «wuxen wirusi» sewebidin ölgenlerning sani yéqinqi 24 saet ichide wapat bolghan 471 kishi bilen qoshulup, 4 ming 503 ke yetti.

firansiye bash ishtab bashqarmisining bildürüshiche, firansiyening barkhana herikiti dairiside sahél rayonida wezepe ötewatqan 4 esker «wuxen wirusi» bilen yuqumlanghan, ulardin 3 i firansiyege keltürülgen. paytext parizhgha jaylashqan rungis xelqara baziridiki bir iskilat, «wuxen wirusi» sewebidin ölüp ketkenler üchün jeset saqlaq iskilatigha özgertilidiken.

gérmaniyede «wuxen wirusi» sewebidin ölgenlerning sani 1107 ge, yuqumlanghanlar sani yéqinqi 24 saet ichide yuqumlanghan  5478 kishi bilen qoshulup 84 ming 794 ke yetti. dölette «wuxen wirusi» ning eng éghir zerbisige uchrighan ölke bawyéra boldi.

gollandiyede wirus sewebidin ölgenlerning sani 1339 gha, yusa 14 ming 697 ge yetti.

engliyede ölgenler sani 3 ming 605 ke, yuqumlanghanlar sani 33 ming 718 ge yetti.

«wuxen wirusi» sewebidin ölgenlerning sani 173 ke, yuqumlanghanlar sani 10 ming 132 ge yetken kanadada, sehiye orunlirida 65 milyon « N95» tipliq maska bilen tibbéy qoghdinish üskünlirige éhtiyaj barliqi, yéqinqi birqanche kün ichide peqet 11 milyon maskining jiddiy éhtiyajliq bolghan merkezlergila tarqitilghanliqi bildürüldi.

awstraliyede tunji ölüm hadisisi körülgen yanwar éyidin buyan «wuxen wirusi» sewebidin ölgenlerning sani 27 ge, yuqumlanghanlar sani 5 ming 314 ke yetti.

latin amérika döletliri ichide «wuxen wirusi» ning eng éghir zerbisige uchrighan biraziliyede wapat bolghanlarning sani 327 ge, yuqumlanghanlar sani 8 ming 66 ge yetti.

hazirghiche «wuxen wirusi» sewebidin ölgenlerning sani 55 ke, yuqumlanghanlar sani 1414 ke yetken péruda, «wuxen wirusi» gha qarshi küresh tedbirliri dairiside,  erler bilen ayallarning,  oxshimighan kürlerde sirtqa chiqishi qararlashturuldi.

«wuxen wirusi» sewebidin ölgenlerning sani, bélgiyede 1011 ge, shiwétsariyede 536 ge, portugaliyede 209 gha, awstriyede 158 ge, daniyede 123 ke, roméniyede 116 ge, filippinda 107 ge, irélandiyede 98 ge, polshada 57 ge, girétsiyede 53 ke, méksikada 50 ke, norwégiyede 50 ke yetti.