pompéyo mewlewining qestlep öltürülüshide iranliq diplomatlarning qoli barliqini ilgiri sürdi
amérika tashqi ishlar ministiri mayk pompéyo, ötken yili qestlep öltürülgen mesud mewlewi weqesi toghrisida «iran diplomatliri» ni eyiblidi.
türkiye awazi radiyosi xewiri: pompéyo tiwittér arqiliq bu heqte yazma bayanat élan qilip, iran hökümitige naraziliq bildürüp, «iranliq diplomatlarning türkiyede bir öktichige suyiqest qilghanliqi toghrisidiki xewerler ademni biaram qilidu, biraq, ularning wezipilirige pütünley mas kélidu. iranliq <diplomatlar> térrorluq wakaletchisi bolup, ular ötken on yil ichide yawropada birdin köp qestlep öltürüsh we partlitish weqesi peyda qildi» dédi.
2019 - yili 11 - ayning 14 – küni istanbulning shishli rayonida iranliq mesud mewlewi aptomobilliq kishilerning oqqa tutushi netijiside qaza qilghan. istanbul saqchi idarisi dölet bixeterlik shöbisi bilen türkiye milliy istixabarat idarisi istanbul rayonluq bashqarma etriti birla waqitta heriketke ötüp, qestlep öltürüsh jinayiti bilen chétishliqi barliqi ilgiri sürülgen abdulwahhap k. qatarliq 11 ademni nazaret astigha alghan. sot mehkimisi, gumandarlar arisidin qatilliq délosini sadir qilghuchi ikenliki ilgiri sürülgen abdulwahhap k. qatarliq 7 kishini tutqun qilghan, 4 gumandarni edliye tarmaqlirining kontrolluqida turush sherti bilen qoyup bergenidi.
