süriyede bu yilning aldinqi 3 éyida 707 puqra öltürüldi
süriye kishilik hoquq tori (SNHR) mart éyida süriyede yüz bergen hujum we toqunushlarda 145 puqraning qaza qilghanliqini bildüdi.
türkiye awazi radiyosi xewiri: süriye kishilik hoquq tori (SNHR) ning 3-aydiki puqralarning ö lüsh nisbitge alaqidar doklatigha asaslanghanda, aldinqi aydiki hujum we toqunushlar netijiside 28 kichik bala we 16 ayal bolup, jemiy 145 puqra qaza qilghan.
beshshar esed armiyesi we bixeterlik qisimliri bilen iran qollawatqan chetellik térorluq guruppiliridin terkip tapqan hakimiyet küchliri 5 bala we 3 ayal bolup, jemiy 36 puqrani öltürgen.
bu mezgilde rusiye urush ayropilanlirining hawa hujumida 2 puqra, 7 ayal bolup, 19 puqra hayatidin ayrilghan. bölgünchi térorluq teshkilati YPG / PKK ishghaliyitidiki rayonlarda bolsa, 2 kichik bala we 12 puqra öltürülgen.
hakimiyetke qarshi qoralliq guruppilar 2 puqraning ölümige sewep bolghan bolsa, 6 ayal, 19 kichik bala bolup, jemiy 76 puqra bashqa terepler teripidin öltürülgen.
süriyede bu yil yanwarda 286, féwralda 276, martta 145 bolup, jemiy 707 puqra qaza qildi.
süriye kishilik hoquq tori (SNHR) ning doklatida, aldinqi ayda 12 kishining hakimiyet teripidin öltürülgenliki we 14 kishining qiyin-qistaqqa élinip öltürülgenliki bildürüldi.
