tramp: 5 minutta wuxen wirusi siniqi élip baralaydighan üsküne kéler hepte ishlitilidu

türkiye awazi radiyosi xewiri:  amérika qoshma shtatliri pirézidénti donald tramp aqsarayda ötküzülgen muxbirlarni kütüwélish yighinida, kowid -19 yuqumigha qarshi élinghan tedbirler üstide toxtaldi.

tramp 5 minutta netije körsitidighan wuxen wirusi (Kovid-19) ni sinaq qilish üskünisining amérika yémeklik we dora nazaret qilish idarisi (FDA) teripidin testiqlanghanliqini we bu sinaq üskünisining kéler hepte pütkül memlikette ishlitilidighanliqini éytti.

donald tramp amérika yémeklik we dora nazaret qilish idarisining saqayghan kishilerdin qan plazmisi ewrishkisi alidighanliqini tekitlep, bu pilazmilarda wirusqa qarshi terkiblerning barliqini we yéngi wakséna ishlepchiqirishqa ishlitilidighanliqini eskertti.

donald tramp téz sinaq qilish üskünisining késellikning aldini élishtiki eng muhim nuqta ikenlikini bayan qilip, bu arqiliq minglighan ademni tekshürgili we wirusni toxtatqili bolidighanliqini éytti.

tramp yene, bezgekke ishlitilidighan gidrokixloroin we azotromiysin  namliq dorining niyo yorkta 1100 ademde sinaq qilinghanliqini bildürdi.