трамп: 5 минутта вухән вируси синиқи елип баралайдиған үскүнә келәр һәптә ишлитилиду

пирезидент доналд трамп 5 минутта вухән вируси (йеңи типтики таҗисиман вирус (Kovid-19) синиқи елип баралайдиған үскүниниң келәр һәптә пүткүл мәмликәттә ишлитилидиғанлиқини ейтти.

1387666
трамп: 5 минутта вухән вируси синиқи елип баралайдиған үскүнә келәр һәптә ишлитилиду

түркийә авази радийоси хәвири америка қошма штатлири пирезиденти доналд трамп ақсарайда өткүзүлгән мухбирларни күтүвелиш йиғинида, ковид -19 йуқумиға қарши елинған тәдбирләр үстидә тохталди.

трамп 5 минутта нәтиҗә көрситидиған вухән вируси (Kovid-19) ни синақ қилиш үскүнисиниң америка йемәклик вә дора назарәт қилиш идариси (FDA) тәрипидин тәстиқланғанлиқини вә бу синақ үскүнисиниң келәр һәптә пүткүл мәмликәттә ишлитилидиғанлиқини ейтти.

доналд трамп америка йемәклик вә дора назарәт қилиш идарисиниң сақайған кишиләрдин қан плазмиси әвришкиси алидиғанлиқини тәкитләп, бу пилазмиларда вирусқа қарши тәркибләрниң барлиқини вә йеңи ваксена ишләпчиқиришқа ишлитилидиғанлиқини әскәртти.

доналд трамп тез синақ қилиш үскүнисиниң кесәлликниң алдини елиштики әң муһим нуқта икәнликини байан қилип, бу арқилиқ миңлиған адәмни тәкшүргили вә вирусни тохтатқили болидиғанлиқини ейтти.

трамп йәнә, бәзгәккә ишлитилидиған гидрокихлороин вә азотромийсин  намлиқ дориниң нийо йоркта 1100 адәмдә синақ қилинғанлиқини билдүрди.



مۇناسىۋەتلىك خەۋەرلەر