сәуди әрәбистан башчилиқидики бирләшмә қисимлар йәмәнниң пайтәхти санани қаттиқ бомбардиман қилди

бирләшмә армийәгә тәвә уруш айропиланлири санадики уруш мәктипигә төт һава һуҗуми вә  сана айродромиға йеқин ед-дәйләми һава армийә базисиға бәш һава һуҗуми елип барди.

1387821
сәуди әрәбистан башчилиқидики бирләшмә қисимлар йәмәнниң пайтәхти санани қаттиқ бомбардиман қилди

түркийә авази радийоси хәвири сәуди әрәбистан башчилиқидики бирләшмә қисимлар йәнә санадики 1-броневиклар лагери вә әс-сийанә баш иштабини шундақла аттан вә ән-нәһдәйн тағлири һәмдә әс-сәбин мәйдани вә шәһәр мәркизидики пирезидинтлиқ куллийәсини һавадин бомбардиман қилди.

вәқәни өз көзи билән көргән гуваһчиларниң ейтишичә, пайтәхт мәркизидики әс-сийанә баш иштаби бомбардиман қилинғандин кейин қаттиқ партилаш авазлири аңланған.

һуҗумда баш штабидики қорал-йарағ искалитиниң  партлиған болуши мумкинлики оттуриға қойулди.

бирләшмә қисимлар йәнә, пайтәхтниң җәнубидики әл-һафа мәркизиниму һуҗум нишани қилди.

хусийларға тәвә әл- мәсирә телевизийә қанилиниң хәвиригә қариғанда, бирләшмә армийәгә тәвә уруш айропиланлири сананиң охшимиған җайлириға 15 қетим һава һуҗуми  елип барған.

узун мәзгилдин буйан сийасий муқимсизлиқ әвҗ алған йәмәндә, иран қоллаватқан хусийлар 2014 - йили 9 - айдин башлап пайтәхт сана вә башқа бир қисим районларниң контроллуқини алқиниға киргүзивалған иди.

сәуди әрәбистан башчилиқидики бирләшмә қисимлар  2015 - йили 3 - айдин бери хусийларға қарши йәмән һөкүмитини қоллап кәлмәктә.



مۇناسىۋەتلىك خەۋەرلەر