дунйа сәһийә тәшкилати: «вухән вируси» ваксиниси үчүн 12 – 18 ай күтүшкә тоғра келиду
дунйа сәһийә тәшкилатиниң баш дериктори тедрос аданом гебрейус йеңи типтики таҗисиман вирус ваксинисини кәм дегәндә 12-18 ай сақлашқа тоғра келидиғанлиқини ейтти.
түркийә авази радийоси хәвири: гебрейус, дунйа сәһийә тәшкилатиниң шиветсарийәниң җәнвә шәһәр мәркизидә видео конферанс васитиси арқилиқ өткүзүлгән ахбарат елан қилиш йиғинида мундақ деди: «<вухән вируси> ваксиниси кәм дегәндә 12-18 ай йирақлиқта. бу җәрйанда, биз бимарларни давалаш вә қутқузушқа җиддий еһтийаҗ барлиқини етирап қилимиз. дунйа миқйасида <вухән вируси> сәвәбидин 20 миңдин артуқ киши һайатидин айрилди, йерим милйон киши йуқумланди. бу толиму ечинишлиқ әһвал, әмма дунйа миқйасида йүз миңларчә киши һайат қалди. шуни алаһидә тәкитләп өтимәнки, болупму сәһийә хадимлири ишләткән шәхсий қоғдиниш үскүнилири мәсилисидә оттуриға чиққан <созулма характерлик дунйави қийин өткәл> болса <һайат қутқузуш үчүн көрситиливатқан тиришчанлиқлар үчүн чоң тәһдит> тур. әң көп еһтийаҗлиқ болған 74 дөләткә тәхминән 2 милйон шәхсий қоғиниш үскүнилирини әвәттуқ, буниңдин башқа йәнә, 60 дөләткә охшаш миқдарда үскүнә әвәтиш үчүн хизмәт ишләватимиз. растини ейтқанда, техиму көп хизмәт ишләшкә тоғра келиду. бу киризисни пәқәт хәлқаралиқ һәмкарлиқ вә бирдәклик асасидила һәл қилиш мумкин. һечқандақ бир дөләт бу вирусқа қарши өз алдиғила күрәш қилалмайду. шуңа бирлик вә баравәрлик асасида күрәш қилишимизға тоғра келиду.»
