wuxen wirusining bir qisim asiya elliridiki ehwaligha dair sanliq melumatlar...

türkiye awazi radiyosi xewiri: wuxen wirusi sewebidin qaza qilghuchilar sani 2334 ke, yuqumlanghuchilar omumiy sani 29406 ge yetken iranda, sheherlerara sayahet meni qilindi. iran pirézidénti hesen ruhani kowid – 19 gha qarshi küresh iqtisad komitétida söz qilip, «bügün téximu qattiq tedbirler yolgha qoyulushqa bashlandi. wirusning tarqilishining aldini élish üchün 8 – aprélghiche  2 heptilik ijtimaiy ariliq qoyush tüzümini yolgha qoyduq» dédi.

ezerbeyjanda bir yuqumlanghuchining qaza qilghanliqi, yéngidin 6 kishide yuqum bayqalghanliqi, yuqumlanghuchilar omumiy sanining 81 ge yetkenliki bildürüldi.

israiliyede yéngidin 126 ademde yuqum bayqilip, omumiy yuqumlanghuchilar sanining 2495 ke yetkenliki, bimarlardin 41 ining ehwalining éghir ikenliki bildürüldi. bash ministir bunyamin nétanyahu döletning sehiye sistémisining weyran bolushidin endishe qiliwatqanliqini éytti. u, alaqidar orunlarni qattiq siyasetlerni qollinishqa chaqirip, israiliye xelqining özlükidin qattiq intizamni yolgha qoyushi kéreklikini, eksiche bolghanda, éghir pajie yüz béridighanliqini éytip agahlandurdi.

ishghal astidiki iyordan deryasining gherbiy qirghiqida 60 yashliq bir kishining qaza qilishi bilen, pelestin tewelikide yuqum sewebidin tunji adem ölüsh weqesi körülgen boldi. iyordan deryasining gherbiy qirghiqi we ghezze rayonida yuqumlanghuchilar sanining 86 ge yetkenliki, 17 kishining salametlikining eslige kelgenliki bildürüldi.

yuqumlanghuchilar sani 840 ke yetken rusiyede, prézidént wiladimir putin, kowid - 19 sewebidin 22 - apréldiki asasiy qanungha tüzitish kirgüzüshni omumiy xelqning awazigha qoyush paaliyitining kéchiktürülidighanliqini, kéler hepte puqralarning dem élishqa qoyup bérilidighanliqini élan qildi. rusiye miqyasidiki kechlik kulub, kinoxana we köngül échish merkezliri taqaldi, qehwexana we ashxanilarda chilim tartish meni qilindi. rusiyediki tarqaqlashturghuchi wezipisini ötewatqan nöwetchi ayropilanlardin bashqa barliq ayropilan seperlirining 27 – marttin bashlap toxtitilishi qarar qilindi. rusiyediki ayrodromlarda yoluchilarning qanliri tekshürülüshke bashlandi.

ukrainada yuqum sewebidin qaza qilghanlar sani 5 ke, yuqumlanghuchilar sani 145 ke yetti.

qirghizistan prézidénti soronbay jéénbékof, xelqara pul fondi teshkilati (IMF) din dölitige iqtisadiy yardem bérishni telep qildi؛ qirghizistanda hazirghiche 44 kishide wirus bayqaldi.

qazaqistan sehiye ministirliqi, yéngidin 17 kishide yuqum bayqalghanliqini, omumiy yuqumlanghuchilar sanining 97 ge yetkenlikini bildürdi. qazaqistanda, 65 yashtin yuqiri parlamént ezalirining öyide olturup ishlesh tüzümi yolgha qoyuldi. yene bir tereptin, almuta shehiride yolgha qoyulghan yéngi karantin qilish belgilimisi dairiside, dorixana, talla baziri we doxturxanilardin bashqa barliq mulazimet sahelirining paaliyetliri toxtitildi. qehwexana we ashxanilar peqet saet 22:00 giche öyge mulazimet qilish tüzümini ijra qilishqa bashlidi.

özbékistanda yéngidin 9 kishide wirus bayqaldi, omumiy yuqumlanghuchilar 65 ke yetti. yuqumgha taqabil turushta ishlitilidighan 3 doxturxanining qurulushi bashlandi.

gruziyede yéngidin 4 ademde yuqum bayqilip, yuqumlanghuchilar omumiy sanining 77 ge yetkenliki bildürüldi.

erméniyede yéngidin 25 ademde yuqum bayqilip, yuqumlanghuchilar omumiy sanining 290 gha yetti؛ erméniye sehiye ministirliqi, 18 bimarning salametlikining eslige kelgenlikini, 272 isining dawaliniwatqanliqini uqturdi.

seudi erebistanda kowid – 19 gha qarshi küresh dairiside riyad, mekke we medine sheherlirining kirish-chiqish éghizlirini taqashni qarar qildi.

qaza qilghanlar sani 31 ge, yuqumlanghuchilar omumiy sani 363 ke yetken iraqta, yuqumdin saqlinish dairiside yolgha qoyulghan kochigha chiqishni cheklesh belgilimisining mudditi yene 15 kün uzartildi.

tunista wirustin yuqumlinip qaza qilghanlar sani 5 ke yetti, misirda yuqumlanghuchilar sani 456 ge, liwanda 333 ke yetti.

hindistanning jammu keshmir rayonida wirustin yuqumlanghan bir kishi qaza qildi؛ kowid – 19 din yuqumlanghanlar sani 11 ge yetti. hindistan miqyasida qaza qilghanlar sani 9gha, yuqumlanghanlar sani 470 ge yetti.

39 ademde wirus bayqalghan, 5 adem wirustin yuqumlinip qaza qilghan bangladéshta, bash ministir sheyx hesina, yuqumning aldini élish üchün xelqtin öyliridin chiqmasliqni telep qildi.

filippinda yuqum sewebidin qaza qilghanlar sani 45 ke, yuqumlanghuchilar sani 707 ge yetti, bularning arisida bir palata ezasiningmu barliqi bildürüldi.

népalda hazirgha qeder 3 kishida kowid – 19 wirusining bayqalghanliqi, köpinchisi yawropa, awstiraliye we yéngi zélandiyedin kelgen 160 etrapida sayahetchining taghliq rayonlarda qapsilip qalghanliqi bildürüldi.

yaponiye kowid – 19 gha taqabil turush xizmetliri dairiside hazirche jiddiy halet élan qilishni pilanlimighanliqini uqturdi. yaponiyede almas melike sayahet paraxotidiki kishilerni qoshqanda jemiy  2025 yuqumlanghuchining barliqi, 55 ademning wirus sewebidin qaza qilghanliqi bildürüldi.

131 ademning qaza qilghanliqi, ölüm nisbitining %1.42 ikenliki bildürülgen jenubi koréyede, yéngidin 104 ademde yuqum bayqalghanliqi, yuqumlanghuchilar omumiy sanining 9241 ge yetkenliki élan qilindi.

tunji kishide wirus bayqalghan 20 – yanwardin buyan 4144 kishining salametlikining teltüküs eslige kelgenliki, buning omumiy yuqumlanghuchilar sanining %44.8 ini teshkil qilidighanliqi bildürüldi.

kongo démokratik jumhuriyiti prézidénti féliks tshésékédining meslihetchiliridin joséf mukéndining wirustin yuqumlinip qaza qilghanliqi élan qilindi.

afriqa döliti burkina fasoda yuqumlanghuchilar sanining 146 ge yetkenliki, bulardin 10 kishining salametlikining eslige kelgenliki bildürüldi.

biri 8 ayliq bowaq bolup jemiy 14 kishide yuqum bayqalghan ugandada, ammiwi qatnashqa 14 künlük cheklime qoyuldi.

hazirghiche chettin kelgen 2 kishide yuqum bayqalghan malida, bügündin bashlap kochigha chiqishni qismen meni qilish buyruqi élan qilindi. quruqluq chégraliri arqiliq yoluchilarning kirishige cheklime qoyulghan malida, yuqum xewpige qarimay yekshenbe künidiki omumiy saylamning tégishlik tedbirler yolgha qoyulghan halda ötküzülidighanliqi élan qilindi.

kaméronda yuqumlanghuchilar sanining 75 ke yetkenliki bildürüldi.