йавропада вухән вирусиниң тәсири күндин күнгә еғирлашмақта

италийәдә йеқинқи 24 саәттә вухән вируси(Kovid-19) сәвәбидин җенидин айрилғанларниң сани 743 киши ешип 6 миң 820 гә йәтти.

1384808
йавропада вухән вирусиниң тәсири күндин күнгә еғирлашмақта

түркийә авази радийоси хәвири: италийәдә йеқинқи 24 саәттә вухән вируси(Kovid-19)  сәвәбидин җенидин айрилғанларниң сани 743 киши ешип 6 миң 820 гә йәтти. дөләттә зөрүр болмиған әһвалда сиртқа чиққанларға 3 миң йавро җәриманә қойуш қарар қилинди.

испанийәдә 3 миң 434 киши вухән вируси сәвәбидин җенидин айрилди, йуқумланғанлар 24 саәт ичидә 6 миң 584 киши ешип 39 миң 673 кә чиқти.бу испанийәдә йеқинқи 24 саәт ичидә вухән вирусиға мунасивәтлик әң көп вәқә йүз бәргән вә кишиләр әң көп җенидин айрилған бир күн болуп қалди. бәзи санаторийәләрдә ишләйдиғанларниң қечип кетиши сәвәбидин, йашанған бемарлар карвитида өлүк һалда тепилиштәк тирагедийәләр йүз бәрди. испанийә һөкүмити натодин тиббий йардәм тәләп қилди.

фирансийәдә бир күндә саитигә 10 киши вухән вируси сәвәбидин җенидин айрилди. йеқинқи 24 саәттә җенидин айрилғанлар сани 240 киши ешип 10 миңға йәтти. мүлузи (Mulhouse) шәһиридә вухән вируси сәвәбидин дохтурханиларда карват йетишмәслик мәсилиси оттуриға чиқти. һөкүмәт дохтурханиларниң йүкини йәңгиллитиш үчүн вирус билән йуқумланған бәзи бемарларни һәрбий айропиланлар билән башқа шәһәрләрдики дохтурханиларға йөткиди.

фирансийә һөкүмити йавропа муқимлиқ пиланини һәрикәткә кәлтүрүшни тәләп қилди.

фирансийәдә вухән вируси сәвәбидин җенидин айрилғанларниң %79 ини 75 вә униңдин йуқири йаштикиләрниң тәшкил қилидиғанлиқи, вирусниң 64-45 йашлар арисидики кишиләрдә әң көп көрүлгәнлики билдүрүлди.   

голландийәдә йеқинқи 24 саәттә вухән вируси сәвәбидин 63 киши җенидин айрилди вә бу дөләттә җәмий җенидин айрилғанлар 276 гә чиқти.

германийәдә вухән вируси сәвәбидин җенидин айрилғанлар 149 ға, йуқумланғанлар 31 миң 554 кә чиқти. бәзи иштатларда сиртқа чиққанларға қойулидиған җәриманә 25 миң йавроғичә өрлитилди.

белгийәдә вухән вируси билән йуқумланғанлар 5 миңға йеқинлашти.вухән вируси сәвәбидин җенидин айрилғанлар 422 гә, йуқумланғанлар 8 миңға йәткән әнглийәдә, һөкүмәт лондондики бир йәрмәнкә мәркизини 4 миң йатақлиқ вақитлиқ дохтурханиға өзгәртишни қарар қилди. йеңидин вәзипигә чақирилған пенсийонир йаки истепа бәргән дохтур вә башқа сәһийә хадимлириниң тәхминән 12 миңи, бу чақириққа иҗабий инкас қайтурди.

әнглийәниң вәлиәһди шаһзадиси чарлесниң вухән вируси билән йуқумланғанлиқи билдүрүлди.

вухән вируси сәвәбидин җенидин айрилғанлар 30 ға чиққан австирийәдә, 30 миң 500 киши тәкшүрүлди. вухән вируси билән йуқумланғанлар сани 5 миң 282 гә чиқти.

полшада вухән вируси сәвәбидин җенидин айрилғанлар 12 гә, йуқумланғанлар 927 гә, чехийәдә үчкә, йуқумланғанлар 497 гә чиқти.

белгийәдә йеқинқи 24 саәт ичидә вухән вируси билән йуқумланғанлар сани 688 киши ешип 4 миң 937 гә, җенидин айрилғанлар болса, 56 киши ешип 178 гә йәтти. дөләт миқйасида вухән вируси сәвәбидин дохтурханида балнестқа елинған киши 2 миң 308 гә йәтти. буларниң ичидә 474 бемар җиддий қутқузулмақта.

шивейтсарийәдә вухән вируси сәвәбидин җенидин айрилғанлар 135 кә, вухән вируси тәкшүрүши елип берилған киши сани 10 миң 171 гә чиқти.

ватиканда йеқинқи 24 саәт ичидә вухән вируси билән йуқумланғанлар үч киши ешип төткә чиқти.

сербийәдә вухән вируси билән йуқумланғанлар 303 кә, җенидин айрилғанлар төткә чиқти. сербийә муһит асираш министирлиқиниң мәслиһәтчиси бранислав блазиҗ (BranislavBlazic) ниң вухән вируси билән йуқумланғанлиқи билдүрүлди.

бүгүнгичә вухән вируси сәвәбидин бир киши җенидин айрилған қаратағда, йуқумланғанлар 52 гә чиқти. түнүгүн (2020-йили 24-март) қаратағниң тузи шәһиридә 15 кишидә вухән вирусиниң байқилиши билән, шәһәрдә сиртқа чиқиш чәкләнди. 15 миң нопуслуқ шәһәрниң кириш еғизлирида, сақчилар һөкүмәт мәсуллири вә тузида олтурушлуқ кишиләрниңла шәһәргә киришигә рухсәт қилди.

вухән вируси билән йуқумланғанларниң сани 168 гә, җенидин айрилғанлар үчкә чиққан боснийә-гертсеговинада, түнүгүн (24-март) пайтәхт сарайевода җенидин айрилған бемар даваланған дохтурхана тақалди. дохтур вә хизмәтчиләр карантин астиға елинди.

киродийәдә йеқинқи 24 саәттә йуқумланғанлар 36 киши ешип 418 гә чиқти. литванийәдә туруватқан үч киродийә әскиридиму вухән вирусиниң байқалғанлиқи елан қилинди.

венгрийәдә вухән вируси билән йуқумланғанлар 226 гә, шималий македонийәдә 177 гә, албанийәдә 146 гә, косовуда 63 кә чиқти.венгрийәдә вухән вируси сәвәбидин җенидин айрилғанлар 10 ға чиқти.

америкада вухән вируси сәвәбидин җенидин айрилғанлар сани 797 гә, йуқумланғанлар сани 55 миң 222 гә йәтти.

америка дөләт мудапиә министири марк еспер (Mark Esper) вухән вирусиниң тарқилишиниң тохтишиға 10-8 һәптә кетиду дәп пәрәз қиливатқанлиқлирини ейтти.

америка армийәсидә бәзи һәрбийләрниң аилилири болуп 321 киши вухән вируси билән йуқумланди.

нийу йорк шәһәрлик һөкүмәт әң начар әһвалниң апрел (2020) ейида йүз беридиғанлиқи тоғрисида агаһландурди. нийу йоркта вухән вирусиға қарши үнүм бериш мумкинчилики бар бир дора синақ қилинишқа башланди.

җәнубий америка қитәсидики еквадорда вухән вируси сәвәбидин җенидин айрилғанларниң сани 27 гә, йуқумланғанлар 49 ға чиқти.

вухән вируси сәвәбидин үч киши җенидин айрилған, 378 киши йуқумланған коломбийәдә 2020-йили 13-апрелғичә давамлишидиған омумийүзлүк карантин қилиш бүгүн (25-март) башланди.

австиралийәдә йәттә вә тоққуз йашлиқ икки балини өз ичигә алған 138 кишидә вухән вирусиниң байқилиши билән, бу сан 2317 гә чиқти.

вухән вирусиға мунасивәтлик вәқә сани 205 кә чиққан йеңи зеландийәдә, вирусқа қарши җиддий һаләт елан қилинди.



مۇناسىۋەتلىك خەۋەرلەر