асийа әллири күнсери еғирлишиватқан йуқумға қарита күчлүк тәдбирләрни йолға қоймақта

русийәниң муавин баш министири татйана голикова, русийәдә йеңидин 163 адәмдә вухән вируси (йеңи типтики таҗсиман вируслуқ өпкә йаллуғи йуқуми – ковид – 19) ниң байқалғанлиқини, җәмий йуқумланғучилар саниниң 658 кә көпәйгәнликини байан қилди.

1384972
асийа әллири күнсери еғирлишиватқан йуқумға қарита күчлүк тәдбирләрни йолға қоймақта

түркийә авази радийоси хәвири: русийә тәвәликидә бу вирусниң тарқилишиға сәвәб болғучиларға 12 миң 300 доллар иқтисадий җаза йаки 3 йиллиқ қамақ җазаси берилиду. русийә пуқралириниң башқа дөләтләрдин қайтип келиши әтә ахирлишиду.

ирақта вухән вируси сәвәбидин йеңидин 4 адәмниң қаза қилиши билән қаза қилғанлар омумий сани 28 гә йәтти. ирақта 75 кишиниң саламәтликиниң әслигә кәлгәнлики, йуқумланғучилар саниниң 316 кә йәткәнлики елан қилинди.

һазирғичә бир адәмдә вирус байқалған ғәззәдики фонди вә диний ишлар министирлиқи, йуқумға тақабил туруш даирисидә райондики барлиқ мәсчитләрни 2 һәптә тақашни қарар қилди. сәһийә министирлиқиниң байанатчиси әшрәф әлқудрә мундақ деди: исраилийәниң 13 йилдин көпрәк вақиттин буйанқи муһасириси сәвәбидин, тәҗрибиханилардики үскиниләрниң кәмчил болушидин сирт, муһим дориларниң %39иниң, теббий лазимәтликләрниң %23иниң, қан записиниң %60 йетәрсиз икәнликини ейтти. исраилийәниң пәләстинликләрниң һайатиға мәсул икәнликини тәкитлигән қудрә исраилийәниң бу райондики сәһийә вә инсаний механизмларни системилиқ һалда аҗизлаштуруши, ғәззәни вухән вирусиға  тақабил туруштики хәтәрлик өткәлгә елип барғанлиқиға ишарәт қилди. у, бирләшкән дөләтләр тәшкилатиниң барлиқ алақидар орган вә тәшкилатлирини «ғәззәдики қамални әмәлдин қалдуруш билән биргә, вухән вирусиға қарши туруш үчүн сүний нәпәсләндүрүш үскүнилири, дора, теббий лазимәтликләр, тәҗрибихана сайманлири»ға охшаш җиддий еһтийаҗни қамдашқа чақирди.

исраилийәдә йуқумдин қаза қилғанларниң сани 5 кә  көпәйди, йуқумланғучилар сани 2 миңдин ешип кәтти. вухән вирусиға қарши күрәш даирисидә, хусусий аптомобилларда иккидин вә таксиларда шопурдин башқа бирдин көп адәмниң олтурмаслиқи қарар қилинди. исраилийәликләрниң өй вә дориханиларға беришни һесабқа алмиғанда, өйидин 100 метир йирақлиққичә беришиға рухсәт қилинди. буниңдин башқа бүгүн кәчкичә исраилийәдики барлиқ ибадәтханиларни тақаш қарар қилинди.

афғанистанда ковид – 19 дин йуқумланғучилар сани 80 гә, қаза қилғанлар сани 2 гә йәтти. игилинишчә, афғанистанда вәзипә өтәватқан нато сепидә вәзипә өтәватқан 4 чәт әллик әскәрдә вирус байқалған болуп, мәзкур әскәрләрниң италийәлик икәнлики илгири сүрүлмәктә. һерат валийси абдулқәййум раһими болса, бүгүндин башлап вилайәт миқйасида сиртқа чиқишни чәкләш түзүминиң йолға қойулғанлиқини елан қилди.

әрәб бирләшмә хәлипиликидә йеңидин 50 адәмдә вирус байқалғанлиқи, омумий йуқумланғучиларниң саниниң 248 гә йәткәнлики, 45 кишиниң саламәтликиниң әслигә кәлгәнлики билдүрүлди.

қатарда йеңидин 25 кишидә вирус байқалғанлиқи, йуқумланғучилар омумий саниниң 526 гә йәткәнлики қәйт қилинди.

ийорданийә сәһийә министирлиқи, йеңидин 26 кишидә вирус байқалғанлиқини, йуқумланғучилар омумий саниниң 153 кә йәткәнликини елан қилди.

вирус сәвәбидин қаза қилғанлар саниниң 19ға, йуқумланғучилар саниниң 402 гә йәткәнликини уқтурған мисир һөкүмити, шу йәр вақти 19:00 дин 06:00 гичә қисмән кочиға чиқишни чәкләш түзүминиң йолға қойулидиғанлиқини байан қилди.

маракәштә вухән вируси  сәвәбидин қаза қилғанлар сани 5 кә , йуқумланғучилар сани 170 кә йәтти.

ливийә мәмликәтлик кесәлликләргә қарши туруш мәркизи фейсбук бетидә елан қилған йазма байанатида, бир кишидә ковид – 19 вирусиниң байқалғанлиқи, буниң ливийәдә көрүлгән тунҗи йуқум әһвали икәнлики қәйт қилинди.

һиндистанда, ковид - 19 вирусиниң тарқилишиниң алдини елиш тәдбирлири даирисидә 21 күнлүк өйдин чиқишни чәкләш түзүмини йолға қилди.

сәуди әрәбистанда рийад, мәккә вә мәдинәниң карантин қилиниши тоғрисида буйруқ чүшүрүлди. сәуди әрәбистан һөкүмити, нөвәтчи башлиқлиқ вәзиписини өтәватқан 20 дөләт гуруһи башлиқлириниң пәйшәнбә күни ковид – 19 ға тақабил туруш мәсилилири музакирә қилинидиған пәвқуладдә «муһим телевзийә йиғини» өткүзидиғанлиқини елан қилди.

малайшийа һөкүмити, йуқумға тақабил туруш даирисидә елан қилған «күндилик паалийәтни чәкләш» бәлгилимисиниң муддитини 14-апрелғичә узартишни қарар қилди. малайшийада һазирғичә 1796 адәмдә вирус байқалди, 17 адәм қаза қилди.

филиппинда һайатидин айрилғанлар сани 38 гә, йуқумланғучилар сани 636 гә йәтти. йәнә филиппиндики коммунист партизанларм бирләшкән дөләтләр тәшкилати баш катипи гутерресниң ковид - 19 йуқуми әснасида пүткүл дунйадики қораллиқ тоқунушларни тохтитиш тоғрисидики чақириқиға аваз қошидиғанлиқини җакарлиди.

4 адәм қаза қилған, 39 адәмдә вирус байқалған баңладешта, 26 - марттин 4 - апрелғичә таш йоллардики барлиқ аммиви қатнаш васитилири тохтитилди.

нигерийә йуқумға қарши туруш хизмәтлири даирисидә, чегра бойлиридики барлиқ таможна еғизлирини 4 һәптилик тақивәтти.

пил чиқши қирғиқида түнүгүн кәч шу йәр вақти 21:00 дин 05:00 кичә кочиға чиқиш мәни қилинди.

африқида вухән вирусидин йуқумланғучилар сани 2412 гә, қаза қилғанлар сани 64 кә йәтти.

гәрчә серралеон тәвәликидә вухән вируси байқалмиған болушиға қаримай, 12 айлиқ «җиддий һаләт» елан қилди.

мали вә гивинийә биссавда бирдин адәмдә тунҗи вирус байқалди.


خەتكۈچ: #вирус , #йуқум

مۇناسىۋەتلىك خەۋەرلەر