amérika wuxen wirusining yéngi merkizige aylinishi mumkin
dunya sehiye teshkilatining bayanatchisi margarét xarris (Margaret Harris) wuxen wirusi (Kovid-19) ning yéngi merkizi bazisining amérika qoshma ishtatlirining bolushi mumkinlikini éytti.
türkiye awazi radiyosi xewiri: dunya sehiye teshkilatining bayanatchisi margarét xarris yéqinqi 24 saet ichide yawropa we amérikada bildürülgen wuxen wirusigha munasiwetlik weqe sanining dunyadiki weqe sanining %85 ni igileydighanliqini eskertip, amérikaning wirusning merkizige aylinishi mumkinlikini éytti.
u b d t ning jenwediki ishxanisida widéo konférans usuli bilen ötküzülgen axbarat élan qilish yighinida bayanat élan qilip, wuxen wirusi sewebidin dunya miqyasida jénidin ayrilghanlar sanining köp ashidighanliqi toghrisida agahlandurdi.
u wuxen wirusining téz tarqiliwatqanliqini tekitlep: «gherbiy afriqada hazirghiche körülgen eng nachar ébola wirusida 11 ming kishi jénidin ayrildi we ikki yil dawam qildi.bu sewebtin heqiqeten zor balayi-apetke duch kelduq» dédi.
u yawropa we amérikaning wirus eng köp körülgen rayonlargha aylanghanliqini eskertip: «yéqinqi 24 saette bildürülgen weqelerning %85 i yawropa we amérikadin keldi. bularning texminen %40 i amérikadin keldi» dédi.
u bezi döletler yolgha qoyghan sirtqa chiiqishni cheklesh we karantin qilishtek tedbirlerning wirusning tarqilishini astilitishi mumkinlikini bildürüp, sehiye organliri we xizmetchilirigimu waqitni qolgha keltürüp béridighanliqini qeyt qildi.
u amérikaning wuxen wirusining yéngi merkizige aylinip-aylanmaydighanliqi heqqidiki soalgha: «amérikadiki weqe sanida téz éshiwatqanliqini körüwatimiz, shunga bu yoshurun xewp bar» dep jawab berdi.
dunya sehiye teshkilatining diréktori tédros adxanom gébréyésis (Tedros Adhanom Ghebreyesus) 2020-yili 13-mart élan qilghan bayanatida, yawropaning wuxen wirusining merkizige aylanghanliqini uqturghan idi.