америка: хитай «вухән вируси» ни йошурғанлиқи үчүн җавабкарлиққа тартилиши керәк

америка дөләт мәҗлисигә хитайниң хубей өлкисидә оттуриға чиққан «вухән вируси» ни йошурғанлиқи илгири сүрүлүп бейҗиң һөкүмитини җавабкарлиққа тартиш тәлипи билән қанун лайиһәси сунулди.

1384761
америка: хитай «вухән вируси» ни йошурғанлиқи үчүн җавабкарлиққа тартилиши керәк

түркийә авази радийоси хәвири: җумһурийәтчи палата әзаси җош һавлей билән җумһурийәтчи авам паталаси вәкили елис стефаник тәрипидин сунулған қанун лайиһәсидә, хитайниң <вухән вируси> ға қарита «йетәрсиз вә гуманий позитсийәси» му тәнқид қилинди.

«хитайниң <вухән вируси> ни йошурушиниң хәлқара җәмийәткә кәлтүргән зийанларниң ениқлап чиқилиши» тәләп қилинған қанун лайиһәсидә, вирус сәвәбидин зийанға учриғанларға хитайниң төләм  төлишини ишқа ашуридиған бир миханизимниң қурулуши чақириқ қилинди.

һавлей, бу һәқтә елан қилған байанатида, хитай коммунист партийәсиниң «вухән вируси» һәққидә дәсләпки күндин тартипла дунйаға қәстән йалған ейтиватқанлиқини илгири сүрүп мундақ деди: «хитай һөкүмитиниң вирусниң һәқиқий әһвали һәққидә декабирдин башлапла хәвири бар иди, лекин тәҗрибиханларға өрнәкләрни йоқитиш тоғрулуқ буйруқ чүшүрди, һәмдә дохтурларни сүкүт қилишқа зорлиди.»

стефаник мундақ деди: «дунйа тартқан зийандин хитай җавабкардур. дәрвәқә, хитайниң <вухән вируси> ниң кәң даирилик вә әҗәллик тәсирлирини  омумйүзлүк йошуруш қарари йүзләрчә америкалиқниму өз ичигә алған миңларчә кишиниң өлүп кетишигә сәвәб болди.  аддий қилип ейтқанда,  бу қанун лайиһәси <вухән вируси> дин хитайни җавабкарлиққа тартиш чақириқидур.»



مۇناسىۋەتلىك خەۋەرلەر