майк помпейо хитай билән иранниң вухән вирусиға тутқан позитсийәсини қаттиқ тәнқид қилди

америка ташқи ишлар министири майк помпейо хитай вә иранниң (Kovid-19) вухән вируси йуқумлуқ апитигә тутқан позитсийәлирини қаттиқ тәнқид қилди.

1385048
майк помпейо хитай билән иранниң вухән вирусиға тутқан позитсийәсини қаттиқ тәнқид қилди

түркийә авази радийоси хәвири: «Newsweek» ниң хәвәр қилишичә, майк помпейо тоний перкинсниң саһибханлиқидики бир радийо пирограммисида, хитай вә иран әмәлдарлирини вухән вируси йуқумлуқ апитиниң еғирлиқини йошурушқа тиришиш вә мәсулийитидин қечишқа урунуш арқилиқ инсанларниң һайатини хәтәргә иттириш билән әйиблигән.

помпейо хитай вә иранда хәлқниң очуқ - ашкара  болуш вә йахши башқурушниң кәмчилики сәвәбидин зийанға учриғанлиқини оттуриға қойуп: «бу дөләтләрдики хәлқләрниң бу мәсилидә һаман бир күни рәһбәрлирини җавабкарлиққа тартидиғанлиқиға ишинимән» деди.

помпейо русийә, хитай вә иранниң бу мәсилидә хата мәлумат тарқитиш сәпәрвәрлики елип барғанлиқлирини билдүрүп: «улар бу вирусниң америка армийәсидин кәлгәнликини, бәлким италийәдә пәйда болғанлиқини сөзләп йүришиду, буларниң һәммиси мәсулийәттин қечиштин башқа нәрсә әмәс» деди.

помпейо хитайниң йуқумлуқ апәтниң үстини йөгәшни давамлаштуруп, техиму көп йуқумлинишниң алдини елиш йаки бундақ ишниң қайта йүз беришиниң алдини елиш үчүн керәклик учурлардин дунйани мәһрум қилғанлиқини тәкитлиди.

американиң хитай вә иран билән болған әслидинла йирик мунасивәтлири вухән вируси  йуқумлуқ апити сәвәбидин болушиға начарлашқан бир пәйттә, америка президенти доналд трамп вә америка әмәлдарлириниң бу кесәлни «хитай вируси» йаки «вухән вируси» дәп атишиға қарита хитай қаттиқ наразилиқ билдүргән иди.

америка палатасиғиму вухәндә оттуриға чиққан йуқумлуқ апәтни хитай һөкүмитиниң йошурғанлиқини тәкшүрүшни өз ичигә алған  қанун тәклипи лайиһәси сунулған иди.

хитай америкаға «вухән вирусиға қарши күрәштә башқа дөләтләрни әйиблимәслик вә йуқумлуқ апәтни сийасийлаштурмаслиқ» чақириқида болған иди.

хитай ташқи ишлар министирлиқи байанатчиси гең шуаң американи «башқиларниң инавитигә бузғунчилиқ қилиш вә мәсулийәттин қечиш үчүн қурбанлиққа өчкә издәш» билән әйиблигән иди.

иран инқилаб муһапизәтчилири қисиминиң қомандани һүсәйин сәламиму йуқумлуқ апәтниң американиң биологийәлик һуҗуми болуши мумкинликини ейтқан иди.



مۇناسىۋەتلىك خەۋەرلەر