курил тақим араллирида 7.5 бал йәр тәвриди

росийәниң йирақ шәрқ федератсийә райониға җайлашқан курил арилида 7.5 бал йәр тәвриди.

1384798
курил тақим араллирида 7.5 бал йәр тәвриди

түркийә авази радийоси хәвири: америка геологийә тәтқиқат оргини курил тақим араллири тәвәликидики северо райониниң шәрқий җәнубиға 213 киломитир келидиған җайда мәйданға кәлгән 7.5 бал йәр тәврәшниң, тәврәш чоңқурлуқиниң йәрниң 56.7 киломитир икәнликини билдүрди.

тинч окйан деңиз ташқини мәркизи, северо, сахалин вә американиң һавай арили үчүн деңиз ташқини агаһландуруши чиқарди.

росийә җиддий әһваллар министирлиқиниң бу һәқтики байанатида, йәр тәврәштин кейин зөрүр хизмәтләрниң тәшкиллик шәкилдә қилинғанлиқи билдүрүлди вә «дәсләпки тәкшүрүшләргә қариғанда, (йәр тәврәштә) қаза қилғанлар, йариланғанлар, талапәткә учриған җайлар йоқ» дегән ибариләргә орун берилди.

деңиз ташқини йүз берип қелиш еһтимали нәзәрдә тутулуп, 400 әтрапида адәмниң бихәтәр җайларға тарқақлаштурулғанлиқи тоғрисидики учурларға орун берилгән байанатта йәнә, «северо-курилскта йәр тәврәштин кейин һасил болған деңиз ташқининиң егизлики тәхминән 50 сантиметир әтрапида болди. деңиз ташқини хәвипи давамлашмақта» дейилди.



مۇناسىۋەتلىك خەۋەرلەر