боко һарамниң қанлиқ һуҗумлирида 140 тин артуқ әскәр җенидин айрилди

боко һарам терорлуқ тәшкилатиниң оттура африқа дөлити чад вә ғәрбий африқа дөлити нигерийәдики һуҗумлирида 140 тин артуқ әскәрниң өлгәнлики билдүрүлди.

1384793
боко һарамниң қанлиқ һуҗумлирида 140 тин артуқ әскәр җенидин айрилди

түркийә авази радийоси хәвири: боко һарам терорлуқ тәшкилатиниң оттура африқа дөлити чад армийәсигә қилған һуҗумида дәсләпки мәлуматларға қариғанда, 92 әскәр һайатидин айрилған , 47 әскәр йариланған.

чад президенти идрис деби һуҗум йүз бәргән җайда байанат берип, боко һарам әзалириниң чад көли өлкисиниң бума шәһиридики һәрбий қисимға һуҗум қилғанлиқини, икки тәрәп оттурисидики тоқунушниң кәм дегәндә 5 саәт давамлашқанлиқини ейтти.

һуҗумда кәм дегәндә 92 әскәрниң қаза қилғанлиқи вә 47 әскәрниң йариланғанлиқини билдүргән президент идрис деби, «биз тунҗи қетим мушундақ көп адимимизни йоқитип қойдуқ, бизниң буниңға қайтуридиған инкасимиз еғир болиду» деди.

йәрлик таратқуларда, һуҗум җәрйанида һавадин йардәм бериш үчүн кәлгән бир айропиланниң оқ тәгкәндин кейин қайтип кәткәнлики хәвәр қилинди.

чад армийәси мәзкур районниң пүтүнләй контроллуқ астиға елинғанлиқини уқтурди.

боко һарамниң ғәрбий африқа дөлити нигерийәниң шәрқий шималиға қилған һуҗумидиму 50 әскәр җенидин айрилди, көп санда әскәр йариланди.



مۇناسىۋەتلىك خەۋەرلەر