taylandta wuxen wirusigha taqabil turush kürishi dairiside jiddiy halet élan qilindi

türkiye awazi radiyosi xewiri: dunya miqyasida wuxen wirusi (yéngi tiptiki tajsiman wirusluq öpke yallughi yuqumi – kowid – 19) sewebidin qaza qilghanlar sani 16500 din, yuqumlanghuchilar sani 382 mingdin ashti.

wuxen wirusi (yéngi tiptiki tajsiman wirusluq öpke yallughi yuqumi – kowid – 19) sewebidin hayatidin ayrilghanlar sani 1812 ge yetken iranda, yuqumlanghuchilar sanining 23049 gha köpeygenliki bildürüldi.

iran diniy rehbiri eli xamenéyning oghli meysemning qéynanisi seyyide izzet xamushining qaza qilghanliqi élan qilindi. téhran dairiliri, kowid – 19 din yuqumlanghan 6 yashliq bir baliningmu qaza qilghanliqini melum qildi.

iran pirézidénti hesen ruhani, wuxen wirusi sewebidin yolgha qoyulghan iran miqyasidiki cheklimilerning mudditining 3 – aprélghiche uzartilghanliqini, doxturxanigha barghuchilar we qaza qilghuchilar sanining töwenleshke bashlighanliqini bildürdi.

iraqta wuxen wirusi sewebidin qaza qilghanlar sani 24 ke yetti. hökümetning wirus krizisi tori, kochigha chiqishni cheklesh waqtini 29-martqiche uzartqanidi. nöwette iraqning bixeterlik we sehiye orunliridin bashqa resmiy organlirimu dem élishqa qoyuwétildi.

jenubiy koréyede qaza qilghanlarning sanining 111 ge, yuqumlanghuchilar sanining 8961 ge yetkenliki, 93 yashliq bir bimarning salametlikining eslige kelgenliki xewer qilindi.

wuxen wirusi otturigha chiqqan xitayda yéqinqi bir heptide körülgen yuqumlanghuchilarning köpinchisining chet eldin kelgenler ikenliki bildürüldi.

pelestin prézidénti mehmud abbas, wuxen wirusi seweblik jaza mudditining yérimini tamamlighan mehbuslarni kechürüm qilish buyruqi chiqardi. pelestinning resmiy sanliq melumatlirigha qarighanda, ikki nepiri ghezzede bolup, pelestin miqyasidiki yuqumlanghuchilar sani 59 gha yetken.

israiliye sehiye ministirliqi, kowid – 19 wirusi bayqalghanlar sanining 29 ining ehwali éghir bolup 442 ge yetkenlikini élan qildi.

yuqumlanghuchilar sani moldawiyede 109, ezerbeyjanda 61, qirghizistanda 16, ukrainada 73, erméniyede 194, giruziyede 61 ge yetti.

wirus sewebidin adem ölüsh ehwali körülmigen seudi erebistanda, sehiye ministirliqi yéngidin 51 kishide wirus bayqalghanliqini élan qildi.

eng yéngi sanliq melumatlargha qarighanda , seudi erebisanda yuqumlanghuchilar omumiy sani 562 ge köpeygen , 19 ademning salametliki eslige kelgen.

tunista wuxen wirusidin yuqumlanghuchilar sani 89 gha, marakeshte 143 ke, omanda 66 fe, kuweytte 189 gha, qatarda 501 ge, iordaniyede 128 ge köpeydi.

kowid - 19 sewebidin 33 adem qaza qilghan filippinda, yuqumlanghuchilar sani 396 gha yetti؛ prézidént rodrigo dutértégha yuqumgha qarshi turush üchün jiddiy halet (OHAL) ni élan qilish hoquqi bérishni mezmun qilghan qanun layihesi parlamént komitéti teripidin testiqlandi.

8 adem qaza qilghan hindistanda, kowid - 19 wirusi sewebidin mushu ayning axirighiche kochigha chiqish cheklendi؛ hindistan hazirghiche 425 kishide yuqum bayqaldi.

malayshiya hökümiti, hindistan we ispaniyediki 208 neper puqrasini tarqaqlashturdi.

népalda bügündin bashlap bir hepte boyiche xelqning mejbur bolup qalmighan teqdirde sirtqa chiqmasliqi telep qilindi.

yaponiye 18 yawropa döliti we irangha sayahet cheklimisi qoydi.

taylandta kowid – 19 yuqumigha qarshi turush kürishi dairiside jiddiy halet élan qilindi؛ jiddiy halet hökümetni kochigha chiqishni meni qilish, metbuatqa cheklime qoyush, yighilishlarni tarqitiwétish we zörür tépilghanda herbiy orunlashturush qatarliq salahiyetlerge ige qilidu.

igilinishche, jenubi afriqa döliti zimbabwéde kowid – 19 wirusi sewebidin tunji adem ölüsh ehwali körülgen.

afriqa döletliride kowid - 19 wirusi bayqalghanlar sani 1436 ge, hayatidin ayrilghanlar sani 46 ge yetti.