amérika kongresining ikki ezasimu karantin qilindi

dunyada xitayning wuxen shehiride otturigha chiqqan wuxen wirusi(Kovid-19) bilen yuqumlanghanlarning sani 110 ming 90 gha chiqti. wirus seweb bolghan ölüm weqesimu téz sürette köpeymekte.

1374847
amérika kongresining ikki ezasimu karantin qilindi

türkiye awazi radiyosi xewiri: yawropada wuxen wirusining eng éghir tesirige uchrighan dölet, italiye boldi. italiyede wuxen wirusi sewebidin yéngidin 133 kishining jénidin ayrilishi bilen, bu san 366 ge chiqti.

firansiyede wuxen wirusi sewebidin jénidin ayrilghanlarning 19 gha, yuqumlanghanlar sani 1126 ge chiqti.

ispaniyede wirus sewebidin yéngidin yette kishining jénidin ayrilishi bilen, bu san 17 ge chiqti. yuqumlanghanlar sani 600 din ashti.

engliyede wuxen wirusi bilen ikki kishi jénidin ayrildi. yuqumlanghanlargha yéngidin 64 kishi qétildi we bu san 273 ke chiqti.

shiwéiytsariye ikki kishining wuxen wirusi sewbidin jénidin ayrilghanliqini, yuqumlanghanlar sanining 332 ikenlikini bildürdi.

wuxen wirusigha munasiwetlik 30 weqe körülgen portugaliyening pirézidénti marsélo rébélo sowsa (Marcelo Rebelo de Sousa) wuxen wirusigha qarshi tedbir süpitide ikki heptilik barliq pirogrammilirini emeldin qaldurdi.

gérmaniyede wuxen wirusi bilen yuqumlanghanlar sani 902 ge, bélgiyede 99 gha, girétsiyede 73 ke, daniyede 35 ke, chéxiyede 26 ge, polshada 19 gha, ruméniyede 15 ke, wéngriyede yettige we silowéniyede üchke chiqti.

albaniyede wuxen wirusigha munasiwetlik tunji weqe körüldi.

amérika mesulliri washingtonda 18, floridada ikki we kaliforniyede bir bolup, memliket miqyasida wuxen wirusi sewebidin jemiy 22 kishining jénidin ayrilghanliqini bildürdi.

amérika késelliklerni kontrol qilish we aldini élish merkizi(CDC)  xitayning wuxen shehiridin kelgen we kaliforniye déngiz tewelikide saqlitilip qoyulghan 3500 kishilik yoluchilar paraxotini qoshqanda, 33 ishtatta wuxen wirusi bayqalghan kishiler sanining 554 ke yetkenlikini élan qildi.

jumhuriyetchi partiyening kéngesh palata ezasi téd kruz (Ted Cruz) we awam palata ezasi pawul gosar (Paul Gosar) wuxen wirusi bayqalghan bir kishi bilen uchrashqanliqi üchün, ularning özlirini karantin qiliwatqanliqi bildürüldi.



مۇناسىۋەتلىك خەۋەرلەر