түнүгүн италийәдә вухән вирусиға мунасивәтлик әң көп вәқә көрүлди

италийәдә 18 кишиниң җенидин айрилиши билән, вухән вируси(Kovid -19) сәвәбидин җенидин айрилғанларниң сани 52 гә чиқти.

1370571
түнүгүн италийәдә вухән вирусиға мунасивәтлик әң көп вәқә көрүлди

түркийә авази радийоси хәвири: италийәдә 21-феврал (2020) оттуриға чиққан вухән вируси тез сүрәттә тарқилишқа вә җанға замин болушни давамлаштуруватқан болуп, түнүгүн (2-март) вухән вирусиға мунасивәтлик әң көп өлүм вәқәлири көрүлгән күн болди.

хәлқ мудапиә баш мудири ангело боррелли (Angelo Borrelli) пайтәхт римда өткүзүлгән күндилик ахбарат елан қилиш йиғинида, вухән вируси билән йуқумланғанлар саниниң 8351гә, җенидин айрилғанлар санниң 52 гә чиққанлиқини, давалинип йахшиланғанлар саниниң 149 ға йәткәнликини билдүрди.

ички базар ишлириға мәсул йавропа иттипақи комиссари җиғи биғутун (Thierry Breton) фирансийәниң «BFMTV» қанилида: «вухән вируси сәвәбидин йәр шари иқтисадида көрүнәрлик сәвийәдә астилаш бар. йавропа иттипақи дөләтлириниң вухән вируси сәвәбидин сайаһәтчиликтә тартқан зийини айлиқи 1 милйард йавроға йәтти» деди.

фирансийидә вухән вирусидин йуқумлинип қаза қилғанлар сани 3 гә йәтти؛  20 - 23 - март күнлири пайтәхт парижда өткүзүлмәкчи болған париж китаб йәрмәнкисиниңму әмәлдин қалдурулғанлиқи уқтурулди.

германийәдә вухән вируси билән йуқумланғанлар саниниң 175 кә чиққанлиқи билдүрүлди.

американиң вашингитон шитатида вухән вируси сәвәбидин қаза қилғанларниң сани 6 гә көпәйди , америка миқйасидики вухән вируси байқалғанлар сани 87 гә йәтти.     



مۇناسىۋەتلىك خەۋەرلەر