erdoghan tramp bilen téléfonda körüshti
jumhur reis rejep tayyip erdoghan amérika qoshma ishtatliri pirézidénti donald tramp bilen téléfonda körüshti.
türkiye awazi radiyosi xewiri: téléfon söhbitide, ikki rehber, ikki terep munasiwetliridin sirt yene, idlibtiki yéqinqi özgirishler we rayonluq mesililer heqqide muzakire élip bardi, hemde idlibta yüz bériwatqan insaniy tiragédiyege xatime bérish üchün derhal qoshumche tedbirlerning qollinilishi toghruluq birdeklik hasil qildi.
aqsaray bayanatchisining yardemchisi jad déré teripidin bu heqte élan qilinghan yazma bayanatta mundaq déyildi: «téléfon söhbitide, pirézidént tramp aldinqi küni idlibta shéhit bolup ketken türk eskerliri üchün jumhur reis erdoghangha teziye bildürdi, hujumni eyiblidi, hemde türkiyening süriyening gherbiy shimalidiki toqunushlarni azaytish we insaniy palaketning aldini élish tirishchanliqlirini qollaydighanliqini bildürdi. ikki rehber, téximu köp mesum insan öltürülmestin we yurt – makanliridin ayrilip qalmastin burun beshshar esed hakimiyiti, iran we rusiyening hujumlirini toxtitish mesiliside ortaq tonush hasil qildi.»