nato idlib hujumidin kéyin jiddiy yighin chaqirdi

shimaliy atlantik ehdi teshkilati süriyening idlib rayonidiki türkiye qisimlirigha qilinghan hujumdin kéyin türkiyening telipige binaen jiddiy yighin chaqirdi.

1368415
nato idlib hujumidin kéyin jiddiy yighin chaqirdi

türkiye awazi radiyosi xewiri: diplomatik menbelerning bildürüshiche, shimaliy atlantik ehdi teshkilati «idlib küntertipi» bilen daimiy wekiller derijilik shimaliy atlantik kéngishi yighini chaqirghan.

yighin dairiside, türkiyening shimaliy atlantik ehdi teshkilatida turushluq daimiy wekili bash elchi basay öztürkning yéqinqi özgirishler heqqide doklat sunushi mölcherlenmekte.

shimaliy atlantik ehdi teshkilati bash katipi stolténbérg, ammiwi ortaqlishish tor béti Twitter sehipiside bu heqte élan qilghan bayanatida, türkiyening telipige binaen nato ehdinamisining 4 – maddisining ishlitilidighanliqini, bu dairide shimaliy atlantik kéngishining daimiy wekilliri derijilik yighin chaqirilip, süriyediki özgirishler heqqide muzakire élip bérilidighanliqini bildürgenidi.

igilinishiche, shimaliy atlantik ehdi teshkilati ehdinamiining 4 – maddisigha asasen, ittipaqdash döletlerdin birersining zémin pütünlüki, siyasiy musteqilliqi yaki bixeterliki tehditke duch kelgende, barliq ezalardin hemkarliq ornitishni telep qilish hoquqi bar iken.

türkiye eng axirqi qétim 2015 – yiil térrorluq teshkilati daéshning suruchtiki térrorluq hujumidin kéyin, 4 – maddining ishlitilishini telep qilghan, nato türkiyening bu telipige binaen süriye seweb boluwatqan tehditlerge qarshi türkiyening bixeterlikini qoghdash tedbirliri heqqide qarar maqullighanidi.

bu dairide, aldin agahlandurush bérish we rdazwétka ayropilanlirining rayonda charlash élip bérishi, sherqiy aqdéngizdiki eskerler sanining köpeytilishi, axbarat, charlash we közitish paaliyetlirining qoyuqlashturulushi qatarliq birqatar tedbirlerning élinishi qararlashturulghanidi.


خەتكۈچ: yighin , idlib , türkiye , nato

مۇناسىۋەتلىك خەۋەرلەر