gherb döletliridiki wuxen wirusigha munasiwetlik melumatlar

yawropa döletliride wuxen wirusi (Kovid-19) gha munasiwetlik weqeler köpiyish bilen birge, amérikadimu bundaq weqeler köpiyishke qarap yüzlendi.

1368269
gherb döletliridiki wuxen wirusigha munasiwetlik melumatlar

türkiye awazi radiyosi xewiri: shimaliy irélandiye bilen gollandiyedimu wuxen wirusigha munasiwetlik weqeler körüldi.

shiwétsiyede besh kishide wuxen wirusi bayqaldi, buning bilen wuxen wirusi bimari yettige chiqti.

firansiye pirézidénti makron parizhdiki pitchi salpétxiye (Pitie-Salpetriere) doxturianisini ziyaret qilip, wuxen wirusigha qarshi yolgha qoyulghan bixeterlik xizmetlirini közdin kechürdi.

u: «tarqilishchan wirusqa duch kelduq, eng yaxshi usulda qarshi turushimiz kérek» dédi.

firansiye wuxen wirusi bilen jénidin ayrilghanlarning sani ikkige, yuqumlanghanlarning sani 28 ge chiqti. bularning ichide töt bimarning ehwali éghir.

yawropadiki döletler ichide wuxen wirusi bilen eng köp ölüm-yétim hadisisi körülgen italiyede, 17 kishi jénidin ayrildi, yuqumlanghanlarning sani 650 ke chiqti. wirus lombardiya (Lombardiya) rayonida eng köp tarqalghan bolup, u yerde 37 bimarning ehwali yaxshilanghan.

ispaniyede wuxen wirusi bilen yuqumlanghanlarning sani 14 ke chiqti. paytext madridta wirus bilen yuqumlanghanlarning sani töt bolup, yéngidin bayqalghan ikki kishining xeterlik rayonlargha sayahetke bérishtin ilgiri bayqalghanliqi élan qilindi.

girétsiyede yene, ikki kishide wuxen wirusi bayqaldi.

girétsiye sehiye ministirliqi 26-féwral selanik shehiride wuxen wirusi bayqalghan 38 yashliq ayalning oghli bilen italiyede sayahette bolghan yene bir ayaldimu wuxen wirusining bayqilishi bilen, yuqumlanghanlar sanining üchke chiqqanliqini élan qildi.

girétsiye sehiye ministirliqi mushu hepte ichide ktküzülüshi pilan qilinghan barliq paaliyetlerning emeldin qaldurulghanliqini bildürdi.

awstiriye wuxen wirusi bilen yuqumlanghanlarning sani üchke chiqti.

gérmaniyede 14 kishining yéngidin wirus bilen yuqumlanghanliqi bayqaldi. buning bilen gérmaniyede, wuxen wirusi bilen yuqumlanghanlarning sani jemiy 31 ge chiqti.

amérikaning kaliforniye ishtatida 33 kishide wuxen wirusi bayqaldi.

yéngi zélandiyedimu wuxen wirusigha munasiwetlik tunji weqe körüldi.

yéngi zélandiye bash ministiri jasinda ardérn (Jacinda Ardern) irandin qaytip kelgen 60 yashliq yéngi zélandiye puqrasi bolghan bir ayalda wuxen wirusining bayqalghanliqini bildürdi.



مۇناسىۋەتلىك خەۋەرلەر