wuxen wirusining xitay we dunyadiki tarqilish ehwaligha dair yéngi sanliq uchurlar...

xitayning xubéy ölkisige qarashliq wuxen shehiride otturigha chiqqan wirus dunya miqyasida 81 mingdin artuq ademge yuqti.

1366876
wuxen wirusining xitay we dunyadiki tarqilish ehwaligha dair yéngi sanliq uchurlar...

türkiye awazi radiyosi xewiri: wuxen wirusi (yéngi tiptiki tajsiman wirus –kowid-19) tunji qétim biraziliyede we jenubiy koréyede wezipe ötewatqan amérika eskerlirining biridimu bayqaldi.

jenubiy koréye xewer agéntliqi – yonxapning xewer qilishiche, döletning jenubidiki shimaliy gyéongsang ölkisige qarashliq chilgok shehiridiki karol namliq gazarmida wezipe ötewatqan bir eskerde kowid-19 bayqalghan.

amérika armiyesi koréye qisimliri qomandanliqi bu heqte bayanat bérip, 23 yashliq mezkur eskerning gazarmining sirtidiki öyide karantinagha élinghanliqi, eskerning ötken hepte düshenbe küni daégu shehiridiki walkér gazarmisigha barghanliqi, seyshenbe künidin jüme künigiche chilgoktiki gazarmida turghanliqi toghrisidiki uchurlarni ortaqlashti.

bayanatta, mezkur eskerge wirusning qeyerde we qandaq yuqup qalghanliqining téxi éniqlinalmighanliqi, uning bilen uchrashqan, alaqileshqan kishilerning tekshürülüwatqanliqi qeyt qilindi.

kowid-19 wirusidin yuqumlinip ölgenler sani 2762 ge yetti؛ xitay chong quruqluqida 2715, xongkongda 2, iranda 15, jenubiy koréyede 11, italiyede 11, yaponiyede 5, teywen, filippin we firansiyede birdin adem wirusning qurbani boldi.

xitay chong quruqluqida 78064, xongkongda 85, awminda 10 kishide, teywende 31 ademde wirus bayqaldi.

wirus bayqalghanliqini melum qilghan döletlerning nopuzluq sehiye organliri we mehelliy taratqularning sanliq melumatlirigha asaslanghanda, yuqumlanghuchilar sani jenubiy koréyede 1146, yaponiyede 861, italiyede 323, iranda 95, singapurda 91, amérika qoshma ishtatlirida 57, taylandta 40, awstraliyede 23, behreyinde 23, malayshiyada 22, gérmaniyede 17, wiyétnamda 16, firansiyede 14, engliyede 13, ereb birleshme xelipilikide 13, kanadada 11, kuweytte 9, ispaniyede 6, iraqta 5, hindistanda 3, filippinda 3, rusiyede 2, israiliyede 2, ummanda 2, awstiriyede 2, kirodiyede 1, aljiriyede 1, népalda 1, sirilankada 1, kambodzhada 1, bélgiyede 1, shiwétsiyede 1, shiwéytsariyede 1,  finlandiyede 1, misirda 1, liwanda 1, afghanistanda 1 we biraziliyede 1 iken.


خەتكۈچ: #wuxen , #dunya , #wirus

مۇناسىۋەتلىك خەۋەرلەر