вухән вирусиниң хитай вә дунйадики тарқилиш әһвалиға даир йеңи санлиқ учурлар...

хитайниң хубей өлкисигә қарашлиқ вухән шәһиридә оттуриға чиққан вирус дунйа миқйасида 81 миңдин артуқ адәмгә йуқти.

вухән вирусиниң хитай вә дунйадики тарқилиш әһвалиға даир йеңи санлиқ учурлар...

түркийә авази радийоси хәвири: вухән вируси (йеңи типтики таҗсиман вирус –ковид-19) тунҗи қетим биразилийәдә вә җәнубий корейәдә вәзипә өтәватқан америка әскәрлириниң биридиму байқалди.

җәнубий корейә хәвәр агентлиқи – йонхапниң хәвәр қилишичә, дөләтниң җәнубидики шималий гйеоңсаң өлкисигә қарашлиқ чилгок шәһиридики карол намлиқ газармида вәзипә өтәватқан бир әскәрдә ковид-19 байқалған.

америка армийәси корейә қисимлири қоманданлиқи бу һәқтә байанат берип, 23 йашлиқ мәзкур әскәрниң газарминиң сиртидики өйидә карантинаға елинғанлиқи, әскәрниң өткән һәптә дүшәнбә күни даегу шәһиридики валкер газармисиға барғанлиқи, сәйшәнбә күнидин җүмә күнигичә чилгоктики газармида турғанлиқи тоғрисидики учурларни ортақлашти.

байанатта, мәзкур әскәргә вирусниң қәйәрдә вә қандақ йуқуп қалғанлиқиниң техи ениқлиналмиғанлиқи, униң билән учрашқан, алақиләшқан кишиләрниң тәкшүрүлүватқанлиқи қәйт қилинди.

ковид-19 вирусидин йуқумлинип өлгәнләр сани 2762 гә йәтти؛ хитай чоң қуруқлуқида 2715, хоңкоңда 2, иранда 15, җәнубий корейәдә 11, италийәдә 11, йапонийәдә 5, тәйвән, филиппин вә фирансийәдә бирдин адәм вирусниң қурбани болди.

хитай чоң қуруқлуқида 78064, хоңкоңда 85, авминда 10 кишидә, тәйвәндә 31 адәмдә вирус байқалди.

вирус байқалғанлиқини мәлум қилған дөләтләрниң нопузлуқ сәһийә органлири вә мәһәллий таратқуларниң санлиқ мәлуматлириға асасланғанда, йуқумланғучилар сани җәнубий корейәдә 1146, йапонийәдә 861, италийәдә 323, иранда 95, сингапурда 91, америка қошма иштатлирида 57, тайландта 40, австралийәдә 23, бәһрәйиндә 23, малайшийада 22, германийәдә 17, вийетнамда 16, фирансийәдә 14, әнглийәдә 13, әрәб бирләшмә хәлипиликидә 13, канадада 11, кувәйттә 9, испанийәдә 6, ирақта 5, һиндистанда 3, филиппинда 3, русийәдә 2, исраилийәдә 2, умманда 2, австирийәдә 2, киродийәдә 1, алҗирийәдә 1, непалда 1, сириланкада 1, камбоджада 1, белгийәдә 1, шиветсийәдә 1, шивейтсарийәдә 1,  финландийәдә 1, мисирда 1, ливанда 1, афғанистанда 1 вә биразилийәдә 1 икән.


خەتكۈچ: вухән , дунйа , вирус

مۇناسىۋەتلىك خەۋەرلەر