ruhani: «wuxen wirusi» arqiliq wehime peyda qilish «düshmenning suyiqestlik pilani»
iran pirézidénti hesen ruhani «wuxen wirusi» bilen wehime peyda qilishning «düshmenning suyiqestlik pilani» ikenlikini ilgiri sürdi.
türkiye awazi radiyosi xewiri: ruhani paytext téhrandiki «döletlik <wuxen wirusi> ning aldini élish merkizi» yighinidin kéyin élan qilghan bayanatida mundaq dédi: «deslepki künlerde doxturxanilargha murajiet qilghanlarning sani köp idi, lékin kéyinche bu reqem azaydi, dawalap saqaytilghanlarning sani közge körünerlik derijide köpeydi. qandaq bolushidin qetiynezer, barliq orunlar hushyarliqni östürüp, tedbirlerni qattiq kücheytishi kérek, jemiyette wehime peyda qilish we döletni taqaq haletke keltürüp qoyush <düshmenning suyiqestlik pilani> dur. shenbe künidin étibaren hemme ish izigha chüshüshke bashlaydu.»
iran sehiye ministirliqi «wuxen wirusi» sewebidin hayatidin ayrilghanlar sanining 15 ke, yuqumlanghanlar sanining 95 ke yetkenlikini uqturghanidi.
dölette «wuxen wirusi» stewebidin ölüp ketkenlerning sani 19 gha, yuqumlanghanlarning sani bolsa 139 gha yetti.
