amérika bilen hindistan mudapie kélishimi imzalidi

amérika pirézidénti donald tramp bilen hindistan bash ministiri naréndra modi paytext yéngi déhlida birlikte axbarat élan qilish yighini ötküzdi.

1366293
amérika bilen hindistan mudapie kélishimi imzalidi

türkiye awazi radiyosi xewiri: ikki künlük resmiy ziyaret üchün paytext yéngi déhligha yétip barghan amérika pirézidénti donald tramp we hindistan bash ministiri naréndra modi birlikte axbarat élan qilish yighini ötküzdi.

amérika pirézidénti donald tramp ziyaritining ünümlük bolghanliqini bildürüp: «bügün hindistanning 3 milyard dollardin artuq qimmetke ige, dunyada eng ilgharliridin bolghan apach (Apache) we MH-60  roméyo (Romeo) tik ucharlirini öz ichige alghan amérika herbiy üskünilirini sétiwélish kélishimliri arqiliq mudapie hemkarliqimizni tereqqiy qildurduq. bular ortaq mudapie iqtidarimizni kücheytidu» dédi.

pirézidént tramp hindistan bash ministiri modi bilen térrorluqqa qarshi turush mesilisidimu pikir birliki hasil qilghanliqlirini tekitlidi.

hindistan bash ministiri modi pirézidént tramp we heyiti bilen, ikki dölet shériklik munasiwitining, mudapie, xewpsizlik, énérgiye, soda we xelqler otturisidiki rishtiler qatarliq muhim tereplerni muzakire qilghanliqlirini qeyt qildi.

u ichki xewpsizlik kélishimining, ikki dölet otturisidiki hemkarliqlarni téximu kücheytidighanliqini eskertip, hindistan armiyesining telim-terbiye manéwirlirining köpinchisini amérika armiyesi bilen ötküzgenlikini xatiriletti. u mundaq dédi:

«dölet bixeterlikimizni kücheytish we xelqaraliq térrorizmgha qarshi turush üchün özara hemkarliqlarni kücheytimiz.»



مۇناسىۋەتلىك خەۋەرلەر