(wuxen wirusi) kowid-19 gha munaswetlik dunya miqyasidiki yéngi ehwallar

iranning nurghunlighan ölkiliride (wuxen wirusi) kowid-19 sewebidin oqu – oqutush toxtitildi.

(wuxen wirusi) kowid-19 gha munaswetlik dunya miqyasidiki yéngi ehwallar
iran koronavirus.jpg
g.kore koronavirus.jpg

türkiye awazi radiyosi xewiri: iranda (wuxen wirusi) kowid-19 sewebidin ölgenlerning sani 8 ge yetti.

iran sehiye ministirliqi ijtimaiy alaqe ishliri mesuli kiyanus jihanpur, yene 15 kishide wirus bayqalghanliqini, jemiy yuqumlanghuchilar sanining 43 ke we ölgenler sanining 8 ge yetkenlikini éytti.

kiyanus jihanpur yéngidin wirus bayqalghan 15 kishining 7 su qum ölkiside, 4 i téhranda, 2 si gilanda, birsining merkezide we yene birsining mazenderen ölkiside bayqalghanliqini uqturdi.

iranning téhran, qum, erdebil, elburz, merkeziy, hameden, kazwin, mazenderen we gilan ölkilik hökümetliri teripidin élan qilinghan bayanatta, wirusning tarqilishining aldini élish meqsitide uniwérsitét, diniy maarip organliri, bashlanghuch we ottura mekteplerde oqu - oqutush xizmetlirining waqitliq toxtitilghanliqi bildürüldi.

maarip paaliyetliri bezi ölkilerde 1 künlük, beziliride 2 künlük, yene beziliride bolsa, 1 heptilik   toxtilghanliqi hemde bu muddetning uzartilishi mumkinliki uqturuldi.

irandiki barliq tenterbiye paalyetliri 10 kün kéchiktürüldi. pütün senet paaliyetliri emeldin qalduruldi.

kuweytmu puqralirini irandin qayturup kétishni bashlidi.

irandiki kuweyt puqralirini yötkep kétish üchün belgilengen 5 ayropilanning tunjisi 130 yoluchini élip küweytke yétip bardi.

jenubiy koréyede bolsa, yuqumlanghuchilarning sani 602 kishige örlidi. ölgenlerning sani 4 ke yetti. agahlandurush ségnali eng yuquri sewiyege chiqirildi.

jenubiy koréye pirézidénti mun jain (wuxen wirusi) kowid-19 gha qarshi küreshte aldimizdiki bir qanche künning intayin muhimliqini bildürüp, hökümetning agahlandurush ségnalini eng yuquri «qizil» sewiyege chiqarghanliqini we aldini élish tedbirlirini kücheytidighanliqini élan qildi.

hindistandimu (wuxen wirusi) kowid-19 taqilishining aldini élish tirishchanliqliri dairiside, hindistan puqralirining zörul bolmighan ehwalda singaporgha sayahetke barmasliqi lazimliqini telep qildi.

dunya mqyasida yéngi tipliq (wuxen wirusi) kowid-19 bilen yuqumlanghuchilaning sani 79 minggha yetti.

israiliye, jenubiy koriyening paytexti séuldin ayropilan bilen kelgen 200 kishining télawéwdiki bén guriyon ayrodorumigha kirishige ruxset qilmidi.

«The Jerusalem Post» gézitining xewer qilishiche, jenubiy koriyedin ayropilan bilen kelgen 12 neper israiliye puqrasi jiddiy qutquzush aptomobilliri bilen öylirige yetküzülgen. 

xitay metbuatliri wirusning deslepki alametlirini körsitish mudditining 27 künge chiqqanliqini ilgiri sürdi.

wuxen shehiride bir yuqumlanghuchida wirusning deslepki alametlirining 27 kündin kéyin otturigha chiqqanliqi xewer qilindi.

dunya sehiye teshkilati xelqaragha chaqiriq élan qilip, wirus tarqighan döletler arisidiki sehiye sistémisi ajiz döletlerge 675 milyon dollar yardem qilinishi kéreklikini telep qildi.


خەتكۈچ: xitay , wuxen wirusi

مۇناسىۋەتلىك خەۋەرلەر