ukraina xelqara jemiyetni qirim mesiliside rusiyege bésim ishlitishke chaqirdi

ukraina tashqi ishlar ministiri wadyim piryistaiko, xelqara jemiyetni qirim ishghali mesiliside rusiyege bésim ishlitishke chaqirdi.

1363681
ukraina xelqara jemiyetni qirim mesiliside rusiyege bésim ishlitishke chaqirdi

türkiye awazi radiyosi xewiri: wadyim piryistaiko b d t omumiy kéngishining ukrainaning sherqidiki küchlerge alaqidar yighinigha ishtirak qilghandin kéyin muxbirlargha bayanat bérip, «xelqara bésim qilmay turup, rusiyening hujumchi pozitsiyesini toxtitalmaydu. xelqaraning qollishi we bésimi bolmisa, qirim mesilisi unutulup kétidu» dédi.

ukrainada 2014 – yili rusiye terepdari hökümet chüshüp kétip gherb terepdari hökümetning hakimiyet béshigha kélishidin kéyin, rusiye qirimni qanunsiz shekilde özige qoshuwalghan we ukrainaning sherqidiki rus nopusi zich bolghan donétiski we luganiski rayonida isyanchilar ukraina hökümitige qarshi heriketke ötkenidi.

söhbetler ötküzülüp, urush toxtitishning kapaletke ige qilinishi, éghir we yinik tipliq qorallarning tapshurulushi we esirlerning qoyup bérilishini mezmun qilghan miniski kélishimi imzalanghan bolsimu, kélishimge xilapliq qilish qilmishliri uda dawamlashqanliqi üchün, urush toxtitish küchke ige qilinalmighanidi.


خەتكۈچ: #qirim , #rusiye , #ukraina

مۇناسىۋەتلىك خەۋەرلەر