iraq iranliqlargha wiza bérishni toxtitishni qarar qildi

türkiye awazi radiyosi xewiri: iran ichki ishlar ministiri yasir elyasiri imzaliq ministirliq qararnameside, wuxen wirusi (yéngi tiptiki tajsiman wirus bilen yuqumlanghan öpke yallughi) yuqturuwalghan ikki iranliqning hayatidin ayrilishidin kéyin, iraqqa kiridighan iran puqralirigha yéngi bir uqturush tarqitilghuche bolghan jeryanda wiza bérilmeydighanliqi eskertildi.

iraq yene, iranda adem ölüshini keltürüp chiqarghan wirus sewebidin bu dölet bilen bolghan barliq chégra éghizlirini üch kün boyiche taqiwétidighanliqini uqturdi.

iraq qatnash ministirliqimu irangha qatnaydighan barliq ayropilan seperlirining toxtitip qoyulghanliqini élan qilghanidi.