ئىراندا ۋۇخەن ۋىرۇسى بىلەن ئۆلگەنلەرنىڭ سانى تۆتكە چىقتى

تۈركىيە ئاۋازى رادىيوسى خەۋىرى: ئىران سەھىيە مىنىستىرلىقى ئاممىۋى مۇناسىۋەت ئىشلىرى مەسئۇلى كىيانۇش جىھانپۇر تۋىتتېردا بايانات ئېلان قىلىپ، ۋۇخەن ۋىرۇسى سەۋەبىدىن يەنە ئىككى كىشىنىڭ جېنىدىن ئايرىلغانلىقىنى بىلدۈردى.

ئۇ قۇمدا يەتتە، پايتەخت تېھراندا تۆت ۋە گىلاندا ئىككى بولۇپ، جەمئىي 13 كىشىدە ۋۇخەن ۋىرۇسىنىڭ بايقالغانلىقىنى ئەسكەرتتى.

ئىراننىڭ قۇم شەھىرىدە 19-فېۋرال (2020) نەپەس يېتىشمەسلىك بىلەن كۆزىتىش ئاستىغا ئېلىنغان ۋە ۋۇخەن ۋىرۇسى بىلەن يۇقۇملانغانلىقى بايقالغان ئىككى كىشىنىڭ جېنىدىن ئايرىلغانلىقى ئېلان قىلىنغان ئىدى.