dawalinip doxturxanidin chiqqan kishide yene wirus bayqalghan

türkiye awazi radiyosi xewiri: chéngdu sheherlik saqliq saqlash merkizi bir kishide qaytidin wuxen wirusi bayqalghanliqi heqqide bayanat élan qildi.

bayanatta, öyide karantin astida turuwatqan bémarning salametlik tekshürüshide qaytidin wuxen wirusining bayqalghanliqi qeyt qilindi.

bildürülishiche, bémar qaytidin dawalinishqa bashlighan. bashqa rayonlardimu buninggha oxshaydighan weqeler körülgen.

 memliketlik sehiye komitéti dawalinishi axirlashqan bémarlarning 14 kün karantin qilinishini, maska taqishini we ochuq jaylarda ötküzülgen paaliyetlerge qatnashmasliqini tewsiye qildi.

jenubiy seher pochtisi gézitining xewiride körsitilishiche, xubéyda wuxen wirusigha qarshi aldinqi septe xizmet qiliwatqan sehiye xadimi jaw jyenping, dawalinishi axirlashqan bémarlarning wirusni élip yürüshi mumkinlikini éytqan.

u xitay bilen kanadada dawalinishi axirlashqanlarda qaytidin wirus bayqalghanliqini eskertip: «perwasizliq qilmasliqimiz lazim, reqemler yene éshishi mumkin. bu xil weqeler nahayiti xeterlik. bu bémarlarni qeyerge yötkesh kérek? öylirige ewetkili bolmaydu, undaq bolghanda, bashqilarnimu yuqumlandurushi mumkin. biraq, imkaniyetlerning cheklik bolushi sewebidin doxturxanilardimu yatquzghili bolmaydu» dédi.