ئالبانىيە باش مىنىستىرى تۈركىيەگە مىننەتدارلىق بىلدۈردى

تۈركىيە ئاۋازى رادىيوسى خەۋىرى: ئالبانىيە باش مىنىستىرى ئېدى راما بېلگىيەنىڭ پايتەختى بىريۇسسېلدا ئالبانىيەدىكى يەر تەۋرەش ئاپىتىنىڭ جاراھىتىگە مەلھەم ئىزدەش مەقسىتىدە چاقىرىلغان «خەلقئارا ئىئانىچىلەر يىغىنى» دىن كېيىن مۇخبىرلارغا بايانات بەردى.

ياۋروپا ئىتتىپاقى، ئەرەب بىرلەشمە خەلىپىلىكى، ئىتالىيە ۋە تۈركىيەگە مىننەتدارلىق بىلدۈرگەن راما، يىغىندىن كېيىن ئېلان قىلىنغان جەمئىي 1 مىليارد 150 مىليون ياۋرولۇق ياردەم ۋەدىسىگە «سېھرىيلىكتىنمۇ ھالقىغان بىر ئىش» دەپ باھا بېرىپ، «بۇ يەردە شاھىت بولغانلىرىمىز ئادەمنى ئىشەنگۈسىز دەرىجىدە مەمنۇن قىلىدۇ» دېدى.

ئالبانىيەدە 26 – يانۋاردا يەر تەۋرەپ 51 ئادەم جېنىدىن ئايرىلغان، 3 مىڭ ئادەم يارىلانغان، نۇرغۇن قۇرۇلۇش تالاپەتكە ئۇچرىغانىدى.