wuchang doxturxanisining bashliqi wirus bilen öldi

wuxen wuchang doxturxanisining bashliqi lyu jiming wuxen wirusi (Kovid-19) bilen yuqumlinip öldi.

1361871
wuchang doxturxanisining bashliqi wirus bilen öldi

türkiye awazi radiyosi xewiri: xitayda wuxen wirusi bilen yuqumlanghan wuxen wuchang doxturxanisining bashliqi qutquzush ünüm bermey öldi.

xitay gézitining xewiride bildürülishiche, wuxan wuchang doxturxanisining bashliqi lyu jimingning ölüshi bilen, wuxen wirusi bilen yuqumlinip ölgen sehiye xadimlirining sani yettige chiqqan.

lyu jiming wuxen wirusigha qarshi küresh üchün yéngidin sélinghan wuchang doxturxanisida ishligen bolup, u nérwa késellikliri saheside tonulghan mutexessislerdin iken.

jüme küni (14-féwral) élan qilinghan bayanatta, wuxen wirusi bilen ölgenlerning sani 1716, wuxenge oxshimighan ölkilerdin ewetilgen sehiye xadimlar sanining 30 mingdin ashqanliqi bildürülgen idi.

xitay késelliklerning aldini élish we kontrol qilish merkizining wirus heqqide élan qilghan doklatida körsitilishiche, wirus bilen yuqumlanghanlarning ichide, yashanghanlarda, bashqa késili bar bémarlarda we erlerde ölüm nisbiti yuqiri bolghan.

doklatta, 11-féwralghiche (2020) xitayda wirus bilen yuqumlinip ölgenler sanining 1023 ikenliki, buning ichide 60 yashtin 69 yashqiche bolghanlarning nisbitining %30.2, 70 yashtin 79 yashqiche bolghanlarning nisbitining %30.5, 80 yash we uningdin yuqiri bolghanlarning nisbitining %20.3 ikenliki qeyt qilinghan idi.

wuxen wirusi bilen yuqumlanghan we bashqa késili bar kishilerde ölüm nisbitining téximu yuqiri ikenliki eskertilgen bayanatta, 11-féwralghiche bashqa késili bar hem wirus bilen yuqumlinip ölgen 653 bémarning erler, 370 bémarning ayal ikenliki bildürüldi.

xitay memliketlik sehiye komitéti tünügün (17-féwral) wuxen wirusi bilen ölgenler sanining 1869 gha, yuqumlanghanlar sanining 72 ming 436 ge chiqqanliqini élan qildi.



مۇناسىۋەتلىك خەۋەرلەر