америкаға өтмәкчи болған 29 миң көчмән қолға елинди
оттура америка дөләтлиридин йолға чиқип қанунсиз йоллар билән америка қошма иштатлириға өтүп кәтмәкчи болған тәхминән 29 миң тәртипсиз көчмән мексикада қолға елинди.
түркийә авази радийоси хәвири: мексика таможна вә чегра мудапиәси оргининиң билдүрүшичә, алдинқи айда қанунсиз йоллар билән америка қошма иштатлириға өтүп кәтмәкчи болған 29 миң 200 көчмән дөләт хәвпсизлик күчлири тәрипидин қолға елинған болуп, алдинқи йили нойабирда 32 миң 514, декабирда болса 32 миң 857 киши қолға елинған икән. тәртипсиз көчмәнләрниң көпинчиси һондурас, әлсалвадор вә гиватемала қатарлиқ дөләтләрниң пуқралири икән.
америка қошма иштатлири пирезиденти доналд трамп вәзипигә олтурғандин кейин, оттура вә җәнубий америкадин кәлгән көчмәнләрни мексика чеграсида тохтитип туруш тоғрулуқ қарар чиқарғаниди.
америка вә мексика һөкүмәтлири оттурисида һасил қилинған «мексикада қелиң» келишими даирисидә, бу дөләттин америкаға көчүш тоғрулуқ илтимас сунған үчинчи дөләт пуқралириниң, илтимас ишлириниң нәтиҗиси ениқ болғанға қәдәр чегра шәһири тиҗуанада туруши пиланланғаниди.
